Ronaldo គឺជាគ្រោះថ្នាក់សម្រាប់ក្រុមជម្រើសជាតិអេស្ប៉ាញ

2017-12-02 08:11:51
ចំនួនមតិ 0 | ចំនួនចែករំលែក 0

ចន្លោះមិនឃើញ

លទ្ធផលចាប់ឆ្នោតវគ្គចែកពូលនៅ World Cup បានរកឃើញពូលរបស់ក្រុមទាំង៣២ហើយ ក្នុងនោះអេស្ប៉ាញស្ថិតនៅក្នុងពូលមិនងាយស្រួលប៉ុន្មានទេ។

ក្រុមជើងឯកពិភពលោកឆ្នាំ២០១០ស្ថិតនៅពូលជាមួយប្រទេសក្បែរខាងព័រទុយហ្គាល់ដែលជាជើងឯកទ្វីបអឺរ៉ុប។ ក្រៅពីព័រទុយហ្គាល់ អេស្ប៉ាញត្រូវប្រឈមមុខជាមួយនឹងជើងខ្លាំងអាស៊ីគឺប្រទេសអ៊ីរ៉ង់ និងម៉ារ៉ុកមកពីអាហ្វ្រិក។

យ៉ាងណាប្រទេសពីរចុងក្រោយមិនមែនជាអ្វីដែលអេស្ប៉ាញញញើតទេ ពោលគឺពួកគេខ្លាចរអាតែព័រទុយហ្គាល់មួយប៉ុណ្ណោះ។ ព័រទុយហ្គាល់ដឹកនាំដោយប្រធានក្រុម Cristiano Ronaldo ជាកំពូល Super star ក្នុងពិភពបាល់ទាត់ និងមានបទពិសោធន៍ជោកជាំជាមួយបាល់ទាត់អេស្ប៉ាញដោយសារគេកំពុងលេងនៅក្របខ័ណ្ឌ La Liga ជាមួយ Real Madrid។

ក្រៅពីតារាឆ្នើមវ័យ៣២ឆ្នាំ ក្រុមរហស្សនាមថា A Selecção មានកីឡាករជាច្រើនទៀតដែលពោរពេញដោយសមត្ថភាពមានដូចជា Pepe, Bernardo Silva, Goncalo Guedes និង Andre Silva។ អេស្ប៉ាញធ្លាប់ប៉ះ ព័រទុយហ្គាល់នៅ World Cup ចុងក្រោយក្នុងឆ្នាំ២០១០ដោយយកឈ្នះ១ទល់នឹង០ ហើយក៏ជាឆ្នាំដែលពួកគេគ្រោងជើងឯកពិភពលោកផងដែរ៕