iPhone SE ជំនាន់ ២ អាចក្លាយជា iPhone X កូនកាត់?
- 2017-12-04 01:01:00
- ចំនួនមតិ 0 | ចំនួនចែករំលែក 0
iPhone SE ជំនាន់ ២ អាចក្លាយជា iPhone X កូនកាត់?
ចន្លោះមិនឃើញ
បន្ទាប់ពី Apple ទទួលបានជោគជ័យយ៉ាងត្រចះត្រចង់ក្នុងការចេញលក់ iPhone X កាលពីដើមខែវិច្ឆិកាកន្លងទៅ(លក់បានជាង ១៥ លានគ្រឿងជុំវិញពិភពលោក)។ Apple អាចនឹងផលិតចេញត្រកូល iPhone SE ជំនាន់ទី ២ បន្ថែមទៀតនៅដើមឆ្នាំក្រោយ។ តាមការឲ្យដឹងពីសារព័ត៌មាន China's Economic Daily News។
ងាកមកមើលការវិភាគពីឆាណែលយូធូបដ៏ល្បីមួយ EverythingApplePro ដែលតែងតែធ្វើវីដេអូនិយាយពីផលិតស្ទើរទាំងអស់របស់ Apple បានឲ្យដឹងថា **“បើមើលទៅលើការចេញលក់ iPhone SE ជំនាន់ ១ ដូចជាមិនសូវជោគជ័យទេ ប្រហែលជា Apple មិនចេញរាងចឹងទៀតឡើយ តែបើក្រឡេកមើលព៍ត៌មានបែកធ្លាយជាច្រើនបានចេញរាងគំរូ (Concept) ថ្មីៗប្លែកៗ ខ្លះថា iPhone X SE ខ្លះថា iPhone SE 2 មានការរចនារូបរាងស្រដៀង iPhone X។ ដូចនេះ ប្រហែលជាវាអាចចេញចឹងពិតមែនក៏ថាបាន។"**
EverythingApplePro ក៏បានបន្ថែមថា ដូចអ្នកដឹងហើយថា Apple លាក់ជិតឈឹងល្អណាស់ទាំងតម្លៃ ថ្ងៃចេញលក់ និងរូបរាង។ តែអ្វីដែលលោករំពឹងទុក Apple គួរផលិត iPhone SE 2 មានអេក្រង់ពេញល្អដូច iPhone X កាមេរ៉ាភ្លោះខាងក្រោយ អេក្រង់ OLED ដាក់ឈីប A11 Bionic ភ្ជាប់មកជាមួយបច្ចេកវិទ្យាការពារជម្រាបទឹក សាកថ្មឥតខ្សែដូច iPhone X និងបច្ចេកវិទ្យាថ្មីៗទៀតទើបអាចទាក់ចិត្តអ្នកប្រើ iPhone បាន។ បើរក្សាទំហំអេក្រង់តូចដូចមុនដដែល ច្បាស់ណាស់វាអាចនឹងដើរតាមគន្លងជំនាន់ដំបូងដែរ។
យោងតាមប្រភព China's Economic Daily News ខាងលើបញ្ជាក់ iPhone SE 2 អាចនឹងចេញលក់មុនគេនៅឥណ្ឌា បន្ទាប់មកទើបចេញលក់ជាសកលដូចជាទីផ្សារប្រទេសចិន កាណាដា ចក្រភពអង់គ្លេស និងអាមេរិកជាដើម។ ប្រសិនបើបែបនេះពិតមែន iPhone SE 2 អាចនឹងចេញអំឡុងខែមីនា ឆ្នាំ ២០១៨ ដូចទៅនឹង iPhone SE ជំនាន់ ១( ថ្ងៃ ៣១ ខែមីនា ២០១៦)។
ចំណែកឯរោងចក្រផលិត iPhone SE 2 ត្រូវបានទទួលសិទ្ធផ្ដាច់មុខពី Apple ដោយក្រុមហ៊ុនតៃវ៉ាន់មួយឈ្មោះ Wistron ជារោងចក្រកំពុងផលិតត្រកូល SE។ ក្រុមហ៊ុននេះផងដែរ ក៏កំពុងតែចរចារជាមួយរដ្ឋាភិបាលឥណ្ឌា ដើម្បីទិញដីមួយផ្នែកក្បែររោងចក្រឥណ្ឌាក្នុងការបង្កើនសង្វាក់ផលិតកម្ម iPhone SE។
រូបរាងគំរូចេញដោយ Concept Creator
ចង់ដឹងច្បាស់ទស្សនាការវិភាគ iPhone SE 2 ដោយ EverythingApplePro
ចុចអាន៖