កីឡដ្ឋានធ្លាប់ធ្វើម្ចាស់ផ្ទះ World Cup ត្រូវបំផ្ទុះតែមិនព្រមរលំ
- 2017-12-04 01:39:20
- ចំនួនមតិ 0 | ចំនួនចែករំលែក 0
កីឡដ្ឋានធ្លាប់ធ្វើម្ចាស់ផ្ទះ World Cup ត្រូវបំផ្ទុះតែមិនព្រមរលំ
ចន្លោះមិនឃើញ
អស់រយៈពេលជាច្រើនឆ្នាំកីឡដ្ឋាន Pontiac Silverdome ត្រូវបានប្រើប្រាស់ក្នុងកម្មវិធីកីឡាសំខាន់ៗជាច្រើនរបស់អាមេរិកក្នុងនោះមានទាំងបាល់ទាត់ពិភពលោកក្នុងឆ្នាំ១៩៩៤ផង។
យ៉ាងណាកីឡដ្ឋានដែលបើកឲ្យប្រកួតតាំងពីឆ្នាំ១៩៧៥នេះត្រូវដល់អាយុដែលគេកម្ទេចចោលកាលពីថ្ងៃអាទិត្យម្សិលមិញ។ រឿងគួរឲ្យស្រឡាំងកាំងមួយបានកើតឡើងអំឡុងពេលបំផ្ទុះគឺបើទោះជាគ្រាប់បែកបានផ្ទុះគ្រប់កន្លែងហើយក្ដីតែ Pontiac Silverdome ចំណាស់៤២ឆ្នាំមិនព្រមដួលរលំសោះគឺនៅរក្សាជំហរដូចដើម។
កីឡដ្ឋានដែលស្ថិតនៅទីក្រុងរដ្ឋ Michigan អាចផ្ទុកអ្នកទស្សនាបាន ៨០៣១១នាក់ ប៉ុន្តែទីនេះធ្លាប់ជាប់កំណត់ត្រាមានអ្នកចូលមើលការប្រកួតរហូតដល់ ៩៣១៧៣នាក់ក្នុងការប្រកួតកីឡាកាសសង្វៀន WrestleMania កាលពី១៩៨៧៕