Pep ចង់ឃើញ Pogba លេងប្រកួតទល់នឹង Man City
- 2017-12-04 09:01:08
- ចំនួនមតិ 0 | ចំនួនចែករំលែក 0
Pep ចង់ឃើញ Pogba លេងប្រកួតទល់នឹង Man City
ចន្លោះមិនឃើញ
Pep Guardiola ចង់ឃើញវត្តមាន Paul Pogba លេងក្នុងជំនួប Manchester Derby សប្ដាហ៍ក្រោយរវាងក្រុមយក្សទាំងពីរ Manchester United និង Manchester City នៅ Old Trafford។
ការនិយាយដូច្នេះរបស់អ្នកចាត់ការសញ្ជាតិអេស្ប៉ាញបន្ទាប់ពី Pogba ត្រូវពិន័យកាតក្រហមក្នុងការប៉ះទង្គិចជាមួយ Hector Bellerin នៅប្រកួតមុនធ្វើឲ្យរូបគេប្រឈមមុខនឹងទណ្ឌកម្មមិនឲ្យចូលលេងចំនួន៣ប្រកួត។
ទន្ទឹមគ្នានេះមានពាក្យចចាមអារ៉ាមមួយចំនួនផ្ទុះឡើងដោយចោទ Pep ថារូបលោកចង់ឲ្យកីឡាករសំខាន់ៗរបស់គូប្រជែងមានរបួសដើម្បីផ្ដល់ភាពងាយស្រួល City ក្នុងការយកឈ្នះ។ យ៉ាងណាអតីតអ្នកចាត់ការ Barca និង Bayern បានច្រានចោលភ្លាមៗ។
“ខ្ញុំមិនដែលគិតដូច្នោះទេ មានតែចង់ឲ្យ Pogba លេងទល់ពួកយើង ព្រោះខ្ញុំចង់ប៉ះក្រុមដែលប្រជុំដោយកីឡាករកំពូលៗដើម្បីអាចដឹងបានថាក្រុមរបស់ខ្ញុំអាចយកឈ្នះពួកគេបានឬអត់។ ចំពោះរឿងកាតក្រហមនោះខ្ញុំយល់ថា Pogba គ្មានចេតនាធ្វើឲ្យគូប្រកួតរបួសឡើយ"។ Pep និយាយដូច្នេះ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
