ក្រុមអង់គ្លេសនឹងទទួលបានរង្វាន់សរុប ៥លានផោន បើលើកពាន World Cup 2018
- 2017-12-04 12:01:31
- ចំនួនមតិ 0 | ចំនួនចែករំលែក 0
ក្រុមអង់គ្លេសនឹងទទួលបានរង្វាន់សរុប ៥លានផោន បើលើកពាន World Cup 2018
ចន្លោះមិនឃើញ
វិបសាយ SunSport រាយការណ៍ថា ក្រុមតោកំណាចអង់គ្លេសនឹងទទួលបានប្រាក់លើកទឹកចិត្តសរុប ៥ លានផោន បើសិនបានលើកពានរង្វាន់ World Cup ២០១៨ នៅទឹកដីរុស្ស៊ីឆ្នាំក្រោយនេះ ហើយបើចែកក្នុងចំណោមកីឡាករទាំង ២៣នាក់ គឺអាចបានម្នាក់ ២១៥ ០០០ ផោន។
រង្វាន់លើកទឹកចិត្តដែលក្រុមជម្រើសជាតិអង់គ្លេសអាចទទួលបាន គឺរាប់ចាប់ពីឈានជើងចូលវគ្គ ១៦ក្រុម ហើយបើធ្លាក់តាមពូល គឺមិនបានសូម្បីមួយសេន។ ពួកគេនឹងអាចទទួលបាន ១ លានផោនបើឡើងដល់វគ្គជម្រុះ ឬច្រើនជាងនេះបើដល់វគ្គ ៨ ក្រុមចុងក្រោយ និងវគ្គពាក់កណ្តាលផ្តាច់ព្រ័ត្រ ។ ប្រសិនបានលើកពានតែម្ដង ពួកគេអាចនឹងទទួលបានក្នុងម្នាក់ ២១៥ ០០០ ផោន ពោលគឺប្រហែលទៅនឹងប្រាក់ឈ្នួលពីរសប្តាហ៍របស់ខ្សែប្រយុទ្ធក្លិបមាន់ខ្នាយមាស Tottenham Spur កីឡាករ Harry Kane ដែរ ។
ក្រុមជម្រើសអង់គ្លេសមិនទទួលបានប្រាក់រង្វាន់ទេក្នុងព្រឹត្តិការណ៍ World Cup ឆ្នាំ ២០១៤ ក្រោមការដឹកនាំរបស់លោក Roy Hudgson ។ ប្រភពព័ត៌មានឱ្យដឹងថា ក្រុមអង់គ្លេសនឹងមិនអាចឈ្នះក្នុងព្រឹត្តិការណ៍ World Cup នៅរុស្ស៊ីបានឡើយ តែពួកគេប្រឹងប្រែងឱ្យអស់ពីលទ្ធភាពជាមួយនឹងការលើកទឹកចិត្តជាប្រាក់រង្វាន់ ហើយបើសិនជាពួកគេអាចនាំជយជម្នះមកប្រទេសវិញនោះពួកគេនឹងទទួលបានលើសពី ៥ លានផោនទៅទៀត ។
ពាក់ព័ន្ធនឹងប្រាក់រង្វាន់លើកទឹកចិត្តនេះលោក Gareth Southgate ទទួលបាន ២៥ ម៉ឺនផោន រួចទៅហើយ ក្នុងគណនីធនាគាររបស់លោក ក្រោយដឹកនាំអង់គ្លេសឱ្យឈ្នះក្រុមម្ចាស់ផ្ទះរុស្ស៊ីនៅវគ្គជម្រុះហើយរូបលោកអាចទទួលបាន ១លានផោនបន្ថែមទៀតបើសិនជានាំជយជម្នះមកកាន់ប្រទេសវិញ ៕