ផ្ទាំងទស្សនីយភាព ១១របាំ បង្ហាញក្នុងកម្មវិធីសម្ដែងសិល្បៈប្រពៃណីកម្ពុជា-ថៃ

2017-12-05 04:44:48
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅរាត្រីថ្ងៃ ទី៤ធ្នូឆ្នាំ២០១៧ ព្រះរាជណាចក្រកម្ពុជា សហការជាមួយព្រះរាជណាចក្រថៃ បានរៀបចំកម្មវិធីសម្តែងសិល្បៈប្រពៃណីចំនួន១១ប្រភេទនៃប្រទេសទាំងពីរដោយមានការចូលរួមទស្សនាពីភ្ញៀវជាតិ អន្តរជាតិ សិស្សនិស្សិតជាច្រើនចូលរួមទស្សនាយ៉ាងកុះករស្ទើររកកន្លែងអង្គុយគ្មាន នៅសាលមហោស្រពចតុម្មុខ។

ក្នុងពិធីដ៏មានហាឱឡារឹកនោះ ក៏មានការអញ្ជើញចូលរួមពីរដ្ឋមន្រ្តីក្រសួងវប្បធម៌និងវិចិត្រសិល្បៈកម្ពុជា លោកស្រី ភឿងសកុណា និងរដ្ឋមន្រ្តីក្រសួងវប្បធម៌ថៃ លោកVira Rojpojchanarat សាស្រ្តចារ្យ និងអ្នកសិល្បៈនៃប្រទេសទាំងពីរ ចូលរួមផងដែរ។ ក្រៅពីនេះអ្នកជំនួញថៃជាច្រើន ក្នុងសម្លៀកបំពាក់ ប្រពៃណីបានមានវត្តមានក្នុងកម្មវិធីនោះដែរ។

នៅក្នុងឱកាសនោះលោកជំទាវ ស្រីភឿង សកុណា រដ្ឋមន្រ្តីនៃក្រសួងវប្បធម៌ បានថ្លែងក្នុងពិធីបើក កម្មវិធីថា ការសម្តែងនេះគឺជាការសហការសម្ដែងរួមគ្នាវាងនិស្សិតនៃសាកលវិទ្យាល័យវិចិត្រសិល្បៈកម្ពុជា និងនិស្សិតវិទ្យាស្ថាន Bundipatanasilpa ថៃ វាក៏ជាការបង្កើតទំនាក់ទំនងនៃប្រទេសទាំងពីរផងដែរ។ លើសពីនេះ វាគឺនេះវាក៏ជាកិច្ចសហប្រតិបតិ្តការ ផ្លាស់ប្តូរបទពិសោធន៍ ការសម្ដែងនៃគ្រឹះស្ថានអប់រំសិល្បៈជាន់ខ្ពស់ប្រទេសទាំងពីរ។

ក្នុងការសម្ដែងយប់មិញនេះ ភ្ញៀវជាតិ និងអន្តរជាតិ ទះដៃអបអរលើកទឹកចិត្តដល់សិល្បៈករនៃប្រទេសទាំងពីរដែលបាននូវក្បាច់រាំដ៏ល្អឯករបស់ប្រទេសទាំងពីដែលបង្កឲ្យមានបរិយាកាសរីករាយក្រៃលែង។

ការសម្តែងនេះមានរយៈពេល៩០នាទីដែលចែកចេញជាទម្រង់សិល្បៈ១១របាំក្នុងនោះកម្ពុជាសម្ដែង ៣ និងថៃ៣ប្រភេទរបាំ ហើយមានការសម្ដែងរួមគ្នាចំនួន៥របាំ ។កម្ពុជាបានលើកយករបាំជូនពរ របាំនាងសុវណ្ណមច្ឆា ក្នុងវគ្គហនុមានចែចង់នាងសីតា និង របាំព្លយ សួយ ឯប្រទេសថៃបានបង្ហាញរបាំបុរាណមនោរាហ៍ជាដើម។ ក្នុងចុងកម្មវិធីក៏មានការអញ្ជើញ ឡើងរាំនៃរដ្ឋមន្រ្តីប្រទេសទាំងពីរផងដែរ៕

អត្ថបទៈ ស្រីអូន