នេះសំដី ធារី ចន្ថាប៊ីន និយាយពីការទៅលេងនៅក្លឹបម៉ាឡេស៊ី

2017-12-05 23:01:00
ចំនួនមតិ 0 | ចំនួនចែករំលែក 0

ចន្លោះមិនឃើញ

សមាជិកជម្រើសជាតិកម្ពុជា ធារី ចន្ថាប៊ីនបានបង្កើតប្រវត្តិសាស្ត្រជាលើកដំបូងសម្រាប់កីឡាករកម្ពុជាទៅលេងក្លឹបលីគកំពូលរបស់ប្រទេសម៉ាឡេស៊ីគឺក្លឹបTerengganu FC នៅរដូវកាលក្រោយនេះ។

ធារី ចន្ថាប៊ីនបានប្រាប់ថា រូបគេបានសម្រេចចុះកុងត្រាលេងឲ្យក្លឹប Terengganu FC រយៈពេល១រដូវកាលឆ្នាំ២០១៨-១៩។ ថ្ងៃនេះរូបគេត្រូវធ្វើដំណើរទៅប្រទេសម៉ាឡេស៊ីហើយ។ «ខ្ញុំពិតជាសប្បាយរីករាយណាស់ និងមោទនភាពដែលបានទៅលេងលីគកំពូលម៉ាឡេស៊ី។ នេះជាឱកាសដ៏រីករាយដែលខ្ញុំស្វែងរកបទពិសោធថ្មី»។

អតីតសមាជិកភ្នំពេញក្រោនរូបនេះបានបញ្ជាក់ថា ៖«ខ្ញុំមិនទាន់និយាយយ៉ាងណាទេថាតើបានលេងជម្រើស១១នាក់ដំបូងរហូត ប៉ុន្តែខ្ញុំនឹងខំប្រឹងឲ្យអស់ពីលទ្ធភាពដើម្បីទទួលបានឱកាសនេះ»។

សម្រាប់ការចុះកុងត្រារយៈពេលមួយឆ្នាំនេះ ធារី ចន្ថាប៊ីន មានផ្ទះស្នាក់នៅមួយដោយខ្លួនឯងដែលខាងក្លឹបជាអ្នកជួលឲ្យ។ កីឡាករកម្ពុជាកាត់បារាំងរូបនេះបានជម្រើសជាតិកម្ពុជាតាំងពីអាយុ២១ឆ្នាំដែលបានក្នុងព្រឹត្តិការណ៍កីឡាស៊ីហ្គេមឆ្នាំ២០១៣នៅប្រទេសមីយ៉ាន់ម៉ា។ រូបគេជាអតីតកីឡាករភ្នំពេញក្រោនដែលបានផ្លាស់ទៅលេងនៅក្លឹប Krabi FC របស់ថៃមុនពេលចូលក្លឹបអគ្គិសនីកម្ពុជាដើម្បីលេងលីគកម្ពុជារដូវកាល២០៧នេះ៕