ភ្លើងឆេះព្រៃនៅកាលីហ្វ័រញ៉ា ត្រូវខ្យល់បក់ រាលដាលដល់ផ្ទះប្រជាជន គួរឲ្យតក់ស្លុត
- 2017-12-06 01:57:50
- ចំនួនមតិ 0 | ចំនួនចែករំលែក 0
ភ្លើងឆេះព្រៃនៅកាលីហ្វ័រញ៉ា ត្រូវខ្យល់បក់ រាលដាលដល់ផ្ទះប្រជាជន គួរឲ្យតក់ស្លុត
ចន្លោះមិនឃើញ
ភ្លើងឆេះចេញពីព្រៃទំហំ ជិត២ម៉ឺនហិកតា ត្រូវបានសាយភាយដោយចៃដន្យពីខ្យល់បក់ខ្លាំង ធ្វើឲ្យផ្ទះប្រជាជនជាច្រើនខ្នង ត្រូវឆាបឆេះរាបដល់ដី ខណៈផ្ទះខ្លះទៀតមិនមានប៉ះពាល់អ្វីឡើយ។
បើតាមវីដេអូផ្សាយបន្តផ្ទាល់ កាលពីថ្ងៃច័ន្ទ បានបង្ហាញឲ្យឃើញហេតុការណ៍អគ្គីភ័យដ៏គួរឲ្យតក់ស្លុតនោះ នៅក្នុងទីក្រុង Ventura County ស្ថិតនៅចម្ងាយ ១០០គីឡូម៉ែត្រពីទីក្រុង Los Angeles ដោយផ្ទះខ្លះត្រូវភ្លើងឆាបឆេះយ៉ាងសន្ធោសន្ធៅ ខណៈផ្ទះខ្លះវិញបែរជាមិនអី ដោយសារតែឥទ្ធិពលខ្យល់។
នាយកដ្ឋានពន្លត់អគ្គីភ័យ Ventura County Fire Department បានព្រមានអ្នកស្រុក កាលពីព្រឹកថ្ងៃអង្គារថា ខ្យល់ Santa Ana ដ៏ខ្លាំងក្លា ដែលផ្ទុកខ្យល់ក្ដៅ និងស្ងួតហួតហែងពីតំបន់ដីគោក ហើយមានកម្រិតល្បឿនពី ៦៥គីឡូម៉ែត្រក្នុងមួយម៉ោង ដល់ ៩៥គីឡូម៉ែត្រក្នុងមួយម៉ោង អាចនឹងបង្កើនការបំផ្លិចបំផ្លាញកាន់តែខ្លាំង។
គួរបញ្ជាក់ថា ភ្លើងឆេះដែលត្រូវបានគេហៅថា Thomas Fire នេះ បានបង្ខំឲ្យអ្នកស្រុកចំនួន ២៧ ០០០នាក់ជម្លៀសខ្លួនចាកចេញពីលំនៅឋាន៕
ចុចអាន៖
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
