អាថ៌កំបាំង ៦យ៉ាងពីប្អូនស្រីពៅរបស់ Boy Pakorn កម្រមានអ្នកដឹងបំផុត!
- 2017-12-06 04:20:00
- ចំនួនមតិ 0 | ចំនួនចែករំលែក 0
អាថ៌កំបាំង ៦យ៉ាងពីប្អូនស្រីពៅរបស់ Boy Pakorn កម្រមានអ្នកដឹងបំផុត!
ចន្លោះមិនឃើញ
មហាជនភាគច្រើន ជាពិសេសអ្នកគាំទ្រនារីពិតជាលួចច្រណែននឹងក្មេងតូច Lilwanmai ដែលជាកូនស្រីតូចតែមួយក្នុងគ្រួសារត្រកូល "Chatborirak” របស់តារាសម្ដែង Boy Pakorn ណាស់ ព្រោះពួកគេដឹងច្បាស់ថា ក្នុងគ្រួសារនេះមានតែម្ដាយ និងបងប្អូនប្រុស សុទ្ធតែជាសង្ហា។
យ៉ាងណាក្ដីមានមនុស្សមិនច្រើនទេ ដែលបានដឹងពីរឿងរ៉ាវមួយចំនួន របស់ប្អូនចិញ្ចឹមរបស់ Boy Pakorn រូបនេះ។ ថ្ងៃនេះប្រិយមិត្ត ប្រាកដជាជ្រាបពីប្រវត្តិខ្លះៗ របស់នាងតូច Wan Mai ហើយនឹងដឹងច្បាស់ថា តើនាងសំណាងយ៉ាងណាពេលចូលមកនៅក្នុងគ្រួសារនេះ៖
១. Wan Mai កើតនៅថ្ងៃទី ២០ ខែធ្នូ ឆ្នាំ ២០១២ (បច្ចុប្បន្នមានអាយុ ៨ឆ្នាំ)
២. តារាសម្ដែង Boy Pakorn ជួប Wan Mai
ថ្ងៃមួយ តារាប្រុសរូបនេះ បានទទួលការងារថតរូបសម្រាប់ដាក់ទស្សនាវដ្ដីមួយ ហើយប្រធានបទនៃរូបថតនោះ គឺកូនក្មេង។ ដូចនេះក្រុមការងារក៏បានចុះទៅដល់មណ្ឌលកុមារកំព្រាមួយ។ ពេលនោះ Boy ក៏ត្រូវថតជាមួយ Wan Mai ហើយដោយសារឃើញពីភាពគួរឲ្យស្រឡាញ់របស់នាង Boy ក៏មានអារម្មណ៍ស្រឡាញ់ និងអាណិតទៀតផង។
៣. ពេលទទួល Wan Mai មកចិញ្ចឹម
តាំងពីពេលនោះមក តារាប្រុសរូបនេះ បានមកលេងមណ្ឌលនោះជាញឹកញាប់ រហូតដល់ថ្ងៃមួយ លោកក៏បានសម្រេចចិត្ត សុំម្ដាយខ្លួន យក Wan Mai មកចិញ្ចឹមតែម្ដង។ គោលបំណងមួយទៀត គឺដោយសារលោក និងប្អូនៗក៏ធំៗ មានការងារ ត្រូវចេញក្រៅហូរហែ ជាហេតុម្ដាយក៏ដូចជាឯកា។ ដូចនេះ ជម្រើសល្អបំផុតគឺ ទទួលក្មេងម្នាក់មកចិញ្ចឹម ។ ប៉ុន្តែ ដោយសារ Boy មិនទាន់អាចចិញ្ចឹមក្មេងបាន ទើបធុរៈនេះ ត្រូវម្ដាយលោកជាអ្នករ៉ាប់រង។ ចុងក្រោយ Wan Mai ក៏ត្រូវម្ដាយរបស់ Boy ទទួលយកទៅចិញ្ចឹមដោយត្រឹមត្រូវស្របច្បាប់ ក្លាយជាកូនរបស់លោកស្រី និងជាប្អូនរបស់ បងប្រុសសង្ហាទាំង ៣។
៤. អ្នកណាជាអ្នកមើលថែ Wan Mai?
អ្នកដែលមើលថែ Wan Mai ជាប់លាប់គឺ ម្ដាយរបស់ Boy Pakorn។ ចំណែក Boy និងប្អូនប្រុស ២នាក់ទៀត គ្រាន់តែជួយមើល ប្អូនពេលម្ដាយរវល់ប៉ុណ្ណោះ ជាពិសេស នៅពេលដែលពួកគមានពេលទំនេរនៅផ្ទះ។
៥. អាហារដែល Wan Mai ចូលចិត្តជាងគេគឺ ស្ប៉ាហ្កេតទី
៦. Wan Mai ខ្លាច Boy ជាងគេ
សមាជិកក្នុងផ្ទះដែល Wan Mai ខ្លាចជាងគេ គឺមិនមែនជាម្ដាយទេ ប៉ុន្តែជា Boy Pakorn ព្រោះលោកជាបងធំ ហើយណាមួយកំលោះសង្ហារូបនេះក៏កាចមិនស្ទើរដែរ។
គ្រួសារមួយនេះ ពិតជាពោរពេញទៅដោយសុភមង្គល ដែលគ្រប់គ្នាស្មានមិនដល់។ ជាពិសេសសម្រាប់អ្នកម្ដាយរបស់ Boy ក៏មានមោទនភាពដែរ ត្បិតអ្នកស្រីមានវ័យច្រើន ប៉ុន្តែមានកូនស្រីដ៏គួរឲ្យស្រឡាញ់ Wan Mai នៅជាប់ជាមួយ គ្រាន់ស្បើយទុក្ខកង្វល់។ ម្យ៉ាងកូនប្រុសទាំង ៣របស់អ្នកស្រី ពិតជាស្រឡាញ់ប្អូនតូចម្នាក់នេះរបស់ពួកគេណាស់៕
ចុចអាន៖
ទិដ្ឋភាពក្នុងពិធីបំបួសប្អូនប្រុសពៅរបស់ Boy Pakorn ព្រឹកមិញ
ក្រោយរៀបចប់ ប្អូនប្រុសពៅរបស់ Boy សម្រេចចិត្តបួសជាសង្ឃ ព្រោះបំណងធំ១