អ្នកចូលចិត្តអាន ត្រូវចិត្តស្ដូក ព្រោះពិព័រណ៍សៀវភៅកម្ពុជាឆ្នាំនេះ មានស្តង់ ៨០
- 2017-12-06 03:52:18
- ចំនួនមតិ 0 | ចំនួនចែករំលែក 0
អ្នកចូលចិត្តអាន ត្រូវចិត្តស្ដូក ព្រោះពិព័រណ៍សៀវភៅកម្ពុជាឆ្នាំនេះ មានស្តង់ ៨០
ចន្លោះមិនឃើញ
ពិព័រណ៌សៀវភៅកម្ពុជា នឹងចាប់ផ្តើមពីថ្ងៃទី ៨-១០ ធ្នូ ដោយអ្នកចូលរួមទាំងអស់ អាចដើរទស្សនា និងរកទិញសៀវភៅគ្រប់ប្រភេទនៅតាមស្តង់សៀវភៅ និងស្តង់គ្រឿងអនុស្សាវរីយ៍ផ្សេងៗជាច្រើន ដែលមានដល់ទៅ ៨០ ស្តង់នៅបណ្ណាល័យជាតិ។
ខុសពីឆ្នាំមុនៗ ប្រធានបទសម្រាប់ពិព័រណ៌សៀវភៅកម្ពុជានៅក្នុងឆ្នាំនេះ គឺ “អានច្រើន បង្កើនឱកាស” ដើម្បីឲ្យយុវជនខ្មែរចាប់យកការអានជាឱកាសល្អមួយសម្រាប់ខ្លួន។
កម្មវិធីនេះ នឹងមានវត្តមានឯកឧត្តម ហង់ ជួនណារ៉ុន រដ្ឋមន្ត្រីក្រសួងអប់រំ យុវជន និង កីឡា ឯកឧត្តម ខៀវ កាញារិទ្ធ រដ្ឋមន្ត្រីក្រសួងព័ត៌មាន និង លោកជំទាវ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ ខណៈដែលកម្មវិធីត្រូវបានរៀបចំដោយក្រសួងវប្បធម៌ ក្រសួងអប់រំ និងក្រសួងព័ត៌មាន ព្រមទាំងមានការសហការជាមួយបណ្ណាល័យជាតិកម្ពុជា។
ក្នុងរយៈពេល ៣ ថ្ងៃ កម្មវិធីពិព័រណ៍សៀវភៅថ្នាក់ជាតិ នឹងបង្កើតសកម្មភាពសម្រាប់កុមារ ដូចជា និទានរឿងខ្លី គូសមុខ គូរគំនូរ កម្មវិធីកម្សាន្ត។
ពិព័រណ៌សៀវភៅកម្ពុជា ធ្វើឡើងក្នុងគោលបំណងលើកកម្ពស់សៀវភៅដែលជាស្នាដៃរបស់កវីនិពន្ធខ្មែរ។ ពិព័រណ៌នេះ រួមចំណែកគាំទ្រស្នាដៃរបស់អ្នកនិពន្ធ ផ្សព្វផ្សាយវិស័យបោះពុម្ពនៅកម្ពុជា លើកទឹកចិត្តសិស្ស-និស្សិតឲ្យចូលចិត្តការសរសេរ បង្កើនទម្លាប់អាន៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
