Kim Kardashian ថតរូបក្រមួនដេកស្រាតបង្ហោះឌឺដង Taylor Swift

2017-12-06 05:40:00
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅលើគណនី Instagram តារាម៉ូដែល Kim Kardashian បានបង្ហោះរូបភាពមួយសន្លឹកដែលមានក្នុងវីដេអូចម្រៀងបទ "Famous" របស់ប្ដីនាងគឺលោក Kanye West។

នៅក្នុងរូបនោះ ជារូបក្នុងឈុតដែលតារាចម្រៀង Taylor Swift ដេកនៅជិត Kanye West។ ក្នុងបទចម្រៀងនោះដែរ តារាចម្រៀងប្រុសរូបនេះ បានរ៉េបថា៖ "ខ្ញុំគិតថាខ្ញុំគួរតែដេកជាមួយ Taylor ព្រោះខ្ញុំបានធ្វើឲ្យនាងមានភាពល្បីល្បាញ"។

តារាម៉ូដែលរូបនេះបានបង្ហោះរូបភាពនេះ ព្រមជាមួយការសរសេរពីក្រោមរូបនោះថា "Famous"។ ក្រោយពីរូបភាពត្រូវបានបង្ហោះ អ្នកគាំទ្ររបស់តារាចម្រៀង Taylor Swift បានបញ្ចេញប្រតិកម្មភ្លាមៗ ដោយបានដាក់រូបកណ្ដុរជាច្រើននៅពីក្រោមរូបភាពនោះ។

រូបកណ្ដុរនេះមានន័យសំដៅលើបុគ្គលដែលមនុស្សទូទៅស្អប់ខ្ពើម និងជាមនុស្សចូលចិត្តឈ្នានីសនិងក្បត់អ្នកដទៃ។ មិនត្រឹមតែប៉ុណ្ណោះ រូបសត្វនេះក៏អាចមានន័យថា តារាម៉ូដែលរូបនេះ (ដែលចាត់ទុកជាសត្វកណ្ដុរ) ត្រូវបានស៊ីដោយស្ដេចពស់ Taylor។

តារាចម្រៀងKanye West និង Taylor Swift មានជម្លោះជាមួយគ្នាចាប់តាំងពីឆ្នាំ ២០០៩ មកម្ល៉េះអំឡុងពេលដែល Kanye បាននិយាយកាត់សម្ដីតារាស្រីរូបនេះពេលដែលនាងឡើងទទួលពានរង្វាន់ MTV VMAs៕

ចុចអាន៖

ប្រភព៖ Kenh14 ប្រែសម្រួល៖ អន សុភក្ត្រា