យុវជនជាង ១០០ នាក់ លះបង់កម្លាំងកាយ កម្លាំងចិត្ត មកជួយពិព័រណ៍សៀវភៅកម្ពុជា
- 2017-12-06 07:02:00
- ចំនួនមតិ 0 | ចំនួនចែករំលែក 0
យុវជនជាង ១០០ នាក់ លះបង់កម្លាំងកាយ កម្លាំងចិត្ត មកជួយពិព័រណ៍សៀវភៅកម្ពុជា
ចន្លោះមិនឃើញ
ពិព័រណ៍សៀវភៅកម្ពុជាលើកទី៦ នឹងប្រារព្ធនាថ្ងៃទី៨ ៩ និង ១០ ខែធ្នូ ខាងមុខនេះ នៅក្នុងទីធ្លាបណ្ណាល័យជាតិកម្ពុជា។ ពិព័រណ៍សៀវភៅកម្ពុជា អាចប្រព្រឹត្តិទៅបានដោយមានការចូលរួមរៀបចំ ដោយក្រសួង និងស្ថាប័នធំៗជាច្រើន។ មិនតែប៉ុណ្ណោះ ក៏មានការប្តេជ្ញា និងប្រឹងប្រែងពីសំណាក់យុវជនស្ម័គ្រចិត្តដែលមានចំនួន ១៣៦នាក់។
[ឱកាសមានហើយកុំឲ្យរំលង សម្រាប់អ្នកចូលចិត្តការអាន ស្តង់ ៨០ នឹងរង់ចាំអ្នក](Sabay-news "Title")
ជាក់ស្ដែង សម្រាប់កម្មវិធីថ្នាក់ជាតិនេះ យុវជន ១៣៦នាក់ ត្រូវបានចែកជា ១១ ក្រុម ដែលរួមមាន ក្រុមសម្ភារៈ ក្រុមលក់វត្ថុអនុស្សាវរីយ៍ ក្រុមរចនា ក្រុមផ្សព្វផ្សាយនិងទំនាក់ទំនង ក្រុមមគ្គទេសក៍ដែលនឹងជួយណែនាំពីទីតាំងកម្មវិធីនៅក្នុងបណ្ណាល័យ និងមានក្រុមជំនួយជាច្រើនទៀត ដើម្បីឲ្យពិព័រណ៍ឆ្នាំនេះកាន់តែមានភាពល្អប្រសើរនិងនិងរលូនជាងមុន។ លើលពីនេះទៅទៀត អ្នកចូលរួមទស្សនាទាំងអស់នឹងទទួលបានភាពសប្បាយ កម្សាន្តជាមួយនឹងការសម្តែងពីក្រុមយុវជនស្ម័គ្រចិត្ត។
សូម្បីតែកុមារតូចៗ ក៏នឹងសប្បាយរីករាយជាមួយការរៀបចំសកម្មភាពពិសេសម្រាប់កុមារ ដូចជា ការអានសៀវភៅរឿងនិទាន ការគូសមុខ និង ការបង្កើតវត្ថុដោយផ្ទាល់ដៃ ដែលជាស្នាដៃរបស់យុវជនស្ម័គ្រផងដែរ។
ដូច្នេះ ទាំងមុន និងអំឡុងពេលនៃកម្មវិធី សុទ្ធតែមានការចូលរួមយ៉ាងសកម្មពីសំណាក់យុវជនស្ម័គ្រចិត្តគ្រប់រូប ទាំងកម្លាំងកាយ កម្លាំងចិត្ត និងស្មារតីយ៉ាងយកចិត្តទុកដាក់។ នេះជាការរួមចំណែករបស់យុវជន ក្នុងការលើកកម្ពស់វិស័យអប់រំ វប្បធម៌នៃការអាន គាំទ្រស្នាដៃរបស់អ្នកនិពន្ធ ផ្សព្វផ្សាយវិស័យបោះពុម្ពនៅកម្ពុជា និងលើកទឹកចិត្តសិស្សានុសិស្សទាំងឡាយឲ្យចូលចិត្តការសរសេរផងដែរ៕