ប្អូនកំលោះរបស់ Fan Bingbing នឹងបង្ហាញខ្លួនជាតារា K-Pop ឆាប់ៗ

2017-12-06 23:50:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពន្លកថ្មីរបស់ K-Pop ម្នាក់មកពីប្រទេសចិន កំពុងធ្វើឲ្យបណ្ដាញអ៊ីនធឺណិតជ្រួលច្របល់ នៅពេលដែលដឹងដំណឹងថា បុរសសង្ហារូបនេះនឹងឈានជើងចូលពិភពសិល្បៈកូរ៉េខាងត្បូងឆាប់ៗ។

អ្វីដែលកាន់តែភ្ញាក់ផ្អើលខ្លាំងនោះ គឺនៅពេលដែលមហាជនរកឃើញថា យុវជនវ័យ ១៧ឆ្នាំ ឈ្មោះ Fan Chengcheng នេះមិនមែនជាតារាធម្មតាឡើយ ពោល លោកគឺជាប្អូនប្រុសរបស់តារាសម្ដែងល្បីឈ្មោះប្រចាំប្រទេសចិន Fan Bing Bing។

ផ្អែកតាមវិបសាយចិន Sina បានឲ្យដឹងថា ពន្លកថ្មីរូបនេះ បច្ចុប្បន្នកំពុងស្ថិតនៅក្រោមការគ្រប់គ្រងរបស់ផលិតកម្មដ៏ធំមួយដែររបស់កូរ៉េ គឺ Yuehua Entertainment។ ចំណែកប្រភពមួយទៀតពីវិបសាយ Soompi ក៏បានបញ្ជាក់ដែរថា ខាងផលិតកម្មកំពុងពិភាក្សាគ្នា ថាគួរឲ្យ Chengcheng ចេញមុខដំបូងនៅប្រទេសកូរ៉េ ឫប្រទេសចិន។

ដោយឡែក បើនិយាយពីប្រជាប្រិយភាពវិញ អ្នកគាំទ្រភាគច្រើនរំពឹងទុកមុនជាស្រេចថា តារាប្រុសវ័យក្មេងរូបនេះក៏នឹងអាចទទួលប្រជាប្រិយមិនធម្មតា មិនខុសពីបងស្រី Fan Bingbing ប៉ុន្មានឡើយ៕

ប្រភព៖ nextshark ប្រែសម្រួល៖ យី សុធារី