Arsenal បានគ្នាហើយ Napoli , AT Madrid និង Dortmund ធ្លាក់ទៅលេង Europa League
- 2017-12-07 02:08:45
- ចំនួនមតិ 0 | ចំនួនចែករំលែក 0
Arsenal បានគ្នាហើយ Napoli , AT Madrid និង Dortmund ធ្លាក់ទៅលេង Europa League
ចន្លោះមិនឃើញ
ក្រោយពីបញ្ចប់វគ្គជម្រុះតាមពូលពាន UEFA Champions League កាលពីយប់មិញនេះ គេឃើញថាក្រុមខ្លាំងមួយចំនួនបានធ្លាក់ទៅលេង Europa League ហើយ រួមមាន Napoli Atletico Madrid និង Dortmund ជាដើម។
កាលពីដើមឡើយ នៅ Europa League នេះ មានតែ Arsenal មួយទេ ដែលមើលទៅខ្លាំងនិងជាក្រុមធ្លាប់តែលេងនៅ UEFA Champions League ។ ដោយឡែកនៅពេលនេះ ក្រុមរបស់លោក Wenger គឺមានគ្នាទៅលេងជាមួយហើយ ដោយក្រុមកំពូល៣ទៀត នឹងធ្លាក់ទៅលេងពានលំដាប់ទី២នៅអឺរ៉ុបនេះ។
Napoli ជាក្រុមខ្លាំងមួយនៅអ៊ីតាលី ដែលស្ថិតក្នុងពូលជាមួយ Man City Feyenoord និង Shakhtar Donetsk។ គួរឱ្យសោកស្ដាយ Napoli មានឱកាសបានឡើងទៅដែរ ប៉ុន្តែបែរជាមិនចេះក្ដោបយក បណ្ដោយខ្លួនឱ្យចាញ់ក្រុមខ្សោយក្នុងពូលនេះ បាត់ឱកាសទៅ។ ដោយឡែកសម្រាប់ Dortmund និង AT Madrid វិញ ក៏មិនសូវខុសគ្នា សុទ្ធតែរៀបចំមិនបានល្អ ចាញ់ក្រុមសមត្ថភាពក្រោមខ្លួន បានត្រឹមឈរលេខ៣ក្នុងពូលប៉ុណ្ណោះ។
សរុបជារួមនៅ Europa League រដូវកាលនេះ នឹងមានក្រុមខ្លាំង៤មកពី៤ប្រទេស ប្រជែងគ្នា ដណ្ដើមយកពាន រួមមាន Arsenal AT Madrid Napoli និង Dortmund ដែលជាក្រុមត្រូវគេរំពឹងខ្ពស់ថាបានលើកពាន៕