១គ្រាប់យប់មិញ Ronaldo ជាប់កំណត់ត្រាកម្រមានមួយនៅ Champions League
- 2017-12-07 02:27:19
- ចំនួនមតិ 0 | ចំនួនចែករំលែក 0
១គ្រាប់យប់មិញ Ronaldo ជាប់កំណត់ត្រាកម្រមានមួយនៅ Champions League
ចន្លោះមិនឃើញ
Real Madrid បានយកឈ្នះ Borussia Dortmund ៣ទល់នឹង២ នៅថ្ងៃចុងក្រោយការប្រកួត UEFA Champions League ក្នុងពូលH ដើម្បីដឹកដៃគ្នាជាមួយ Tottenham Hotspur ឡើងទៅវគ្គ១៦ក្រុម។
៣គ្រាប់របស់ក្រុមលោក Zinedine Zidane ធ្វើបានសម្រេចដោយកីឡាករ៣រូបផ្សេងគ្នាគឺ Mayoral នាទី ទី៨, Ronaldo នាទី១២ និង Vázquez នាទី៨១។ ដោយឡែក២គ្រាប់របស់ Dortmund ធ្វើបានដោយ Aubameyang ទាំងអស់នៅ នាទី៤៣ និង៤៨។
កត់សម្គាល់ ១គ្រាប់របស់ Cristiano Ronaldo យប់មិញធ្វើឲ្យរូបគេជាប់កំណត់ត្រាកម្រមានមួយនៅ Champions League ពោលគឺ តារាឆ្នើមសញ្ជាតិព័រទុយហ្គាល់បានក្លាយជាកីឡាករដំបូងដែលអាចស៊ុតរាល់ការប្រកួតជម្រុះក្នុងពូលទាំង៦ប្រកួត។
កីឡាករវ័យ៣២ឆ្នាំរកបាន៩គ្រាប់នៅ Champions League រដូវកាលនេះ និងសរុបទាំងអស់១១៤គ្រាប់ នាំ មុខ Messi ដែលមាន៩៧ ចំនួន១៧គ្រាប់៕