Kris ទម្លាយអាថ៌កំំបាំងពិតនៃការចាកចេញពីក្រុម និងស្ថានភាពបច្ចុប្បន្នជាមួយ EXO
- 2017-12-07 02:29:00
- ចំនួនមតិ 0 | ចំនួនចែករំលែក 0
Kris ទម្លាយអាថ៌កំំបាំងពិតនៃការចាកចេញពីក្រុម និងស្ថានភាពបច្ចុប្បន្នជាមួយ EXO
ចន្លោះមិនឃើញ
បន្ទាប់ពីចាកចេញពីក្រុម EXO និងផលិតកម្ម SM តារាចម្រៀងចិនកាត់កាណាដា Kris Wu ទើបតែដាច់ចិត្តបកស្រាយការពិតពីមូលហេតុពិតប្រាកដរបស់លោកដែលចាកចេញមកដោយគ្មានស្រណោះ។
ក្នុងបទសម្ភាសន៍មួយនៅប៉ុស្តិ៍វិទ្យុ "Wild 94.9" ជាមួយ DJ Gabby Diaz កាលពីពេលថ្មីៗនេះ តារាចម្រៀងប្រុសស្រស់សង្ហា Kris បានបង្ហើបការពិត ទាក់ទងនឹងការសម្រេចចិត្តចេញពីក្រុម EXO ព្រមទាំងអាថ៌កំបាំងមួយទៀតនោះគឺ ថាតើលោក និងអតីតមិត្តរួមក្រុម នៅទាក់ទងគ្នាទៀត ឫអត់?
តារាប្រុសកើតឆ្នាំ ១៩៩០ រូបនេះបានប្រាប់ថា៖ "មូលហេតុដំបូងខ្ញុំគិតថា ខ្ញុំមិនមែនជាជនជាតិកូរ៉េទេ ខ្ញុំជាចិន។ ដូចនេះ ប្រទេសកូរ៉េមិនមែនជាផ្ទះរបស់ខ្ញុំទេ ហើយក៏មិនមែនជាកន្លែងកំណើតរបស់ខ្ញុំដែរ។ ធ្វើការនៅទីនោះ (ប្រទេសកូរ៉េ) ពេលខ្លះ ខ្ញុំមានអារម្មណ៍ស្ត្រេសណាស់។ ចំណែកមូលហេតុទី ២ ដោយសារការងារ K-Pop គឺជាការងារមានភាពប្រកួតប្រជែងខ្លាំង ដែលអ្នកត្រូវតែធ្វើដាច់ខាត។ គ្រប់គ្នាក្នុងវិស័យនេះ គ្មានសេរីភាពទេ ហើយសម្រាប់ខ្ញុំ វាពិតជាស្ត្រេសបំផុត ព្រោះខ្ញុំចង់ធ្វើអ្វីដែលខ្ញុំចង់ធ្វើដោយខ្លួនឯង”។
សំណួរចាក់ដោយមួយទៀតនោះគឺ ពេលពិធីការិនីវិទ្យុសួរថា តើលោកនៅនិយាយរកសមាជិក EXO ដដែល ឫយ៉ាងណានោះ? Kris បានបញ្ជាក់ថា ខ្លួន និងអតីតមិត្តរួមក្រុមបានផ្ដាច់ការទាក់ទងគ្នាហើយពេលនេះ ហើយលោកក៏មិនបានបកស្រាយវែកញែកអ្វីច្រើនដែរ។
ចុងក្រោយ Kris ក៏ងាកទៅនិយាយពីការងារក្នុងនាមជាតារាចម្រៀងទោលនាពេលបច្ចុប្បន្នវិញម្ដង។ សព្វថ្ងៃលោកកំពុងមមាញឹក ហើយអាជីពមួយនេះ ក៏កំពុងរុញច្រានលោក ទោរកភាពល្បីល្បាញ ជោគជ័យខ្លាំងជាងពីមុនដែរ៕
ទស្សនាវីដេអូខាងក្រោម៖