ជីវិតម៉ារីម៉ាកាន់តែស្រស់បំព្រងជាងមុន ១០ដង ក្រោយរៀបការមានកូន

2017-12-07 04:10:00
ចំនួនមតិ 0 | ចំនួនចែករំលែក 0

ចន្លោះមិនឃើញ

អាចនិយាយបានថា កំពូលតារាសម្ដែងមហាសម្រស់ Marian Rivera (ម៉ារីម៉ា) ជានារីម្នាក់ដ៏សំណាងដែលបានស្វាមីចេះយល់ចិត្ត ហើយក្រោយមានកូន នាងក៏បានក្លាយជាម្ដាយដ៏រីករាយម្នាក់។ សំខាន់អ្វីដែលកាន់តែពិសេសទោះមានកូនហើយក្ដី តែសម្រស់របស់នាង នៅតែស្អាត។

បើទោះពេលនេះ នាងមានវ័យ ៣៣ឆ្នាំក៏ពិតមែន ប៉ុន្តែរូបសម្រស់របស់នាងមិនចាញ់ក្រមុំទេ។ ដោយសារសម្រស់មិនព្រមចាស់នេះហើយ បានបង្កើតជាចម្ងល់ដល់ អ្នកគាំទ្រជាច្រើនចោទសួរថា តើនាងមានរូបមន្តពិសេសប្រចាំខ្លួនអ្វីទៅ ក្នុងការថែសម្ផស្ស?

ម៉ារីម៉ា ក៏បានឆ្លើយថា៖ "ខ្ញុំតែងមានអារម្មណ៍សប្បាយរីករាយ ពេលខ្ញុំរៀបហើយ ហើយជីវិតកាន់តែមានន័យថែមមួយកម្រិត ពេលដែលមានកូន។ ប៉ុន្តែជាមួយគ្នានោះ បើទោះអ្នករៀបការ និងក្លាយជាម្ដាយរបស់គេក្ដី ប៉ុន្តែក៏មិនត្រូវព្រងើយកន្តើយក្នុងការថែរក្សាខ្លួនដែរ ហើយក៏មិនត្រូវខ្លាចរៀបការ មានកូនដែរ។ អ្នកអាចមើលខ្ញុំជាឧទាហរណ៍បាន។ ខ្ញុំត្រូវតែរឹងមាំ ដើម្បីប្ដី និងកូនរបស់ខ្ញុំ ទោះបីខ្ញុំមមាញឹកនឹងការងារ ជាពិសេសខ្ញុំតែងឆ្លៀតពេលសម្រាប់ពួកគេជានិច្ច។ ខ្ញុំតែងតែថែសុខភាព ហើយបើហត់ខ្លាំងខ្ញុំមិនទទួលការងារអ្វីទាំងអស់"។ បើតាមអ្វីដែលនាងបានបកស្រាយ បានបង្ហាញច្បាស់ណាស់ថា ការធ្វើចិត្តឲ្យរីករាយ គឺជារឿងដ៏សំខាន់ក្នុងការថែរក្សាសម្រស់ ទោះបីមនុស្សម្នាក់ៗមានរឿងពិបាកចិត្ត តែក៏មិនត្រូវទោរទន់ មានតែស៊ូ និងធ្វើចិត្តឲ្យសប្បាយ។

គ្រួសារតូចនេះ ជាគ្រួសារតែមានក្ដីសុខ និងតែងទទួលបានការសរសើរពីមហាជនគ្រប់មជ្ឈដ្ឋានទាំងអស់។ ដោយឡែក ពេលនេះ កូនស្រីតូចរបស់ ម៉ារីម៉ា និងស្វាមីមានអាយុ ២ខួបហើយ រីឯគម្រោងយកកូនទៀត ពួកគេទុកមួយឡែកសិន លុះការងារថតរឿងថ្មីរបស់ ម៉ារីម៉ាចប់សិន ទើបពួកគេគិតគូររឿងនេះ៕