ហ្វឺស ហ្វាយនែន ចុះ MOU ជាមួយ Camlife ផ្តល់សុវត្ថិភាពហិរញ្ញវត្ថុកាន់ច្រើន

2017-12-07 06:37:34
ចំនួនមតិ 0 | ចំនួនចែករំលែក 0

ចន្លោះមិនឃើញ

គ្រឹះស្ថានមីក្រូហិរញ្ញវត្ថុ ហ្វឺស ហ្វាយនែន និង ក្រុមហ៊ុនធានារ៉ាប់រងអាយុជីវិត Camlife បានចុះអនុសារណៈយោគយល់ ក្នុងគោលបំណងផ្តល់នូវសុវត្ថិភាពហិរញ្ញវត្ថុ ដល់គ្រប់អតិថិជនរបស់ខ្លួន។

អត្ថប្រយោជន៍ដែលអតិថិជន ហ្វឺស ហ្វាយនែន នឹងទទួលបានពីកិច្ចសហប្រត្តិបត្តិការនេះ គឺការទទួលបានតម្លៃពិសេសពី ក្រុមហ៊ុន Camlife សម្រាប់ការប្រើប្រាស់សេវាធានារ៉ាប់រងលើអាយុជីវិត ដែលការធានានោះនឹងទទួលខុសត្រូវលើកម្ចីដែលមិនទាន់បានសងបញ្ចប់ នៅពេលដែលអតិថិជនជួបហានិភ័យដល់អាយុជីវិត ឬពិការភាពដោយចៃដន្យណាមួយ។

លោកស្រី ជុន សុថានី អគ្គនាយិកា គ្រឹះស្ថានមីក្រូហិរញ្ញវត្ថុ ហ្វឺស ហ្វាយនែន បានមានប្រសាសន៍ថា ៖“អតិថិជនយើងភាគច្រើនជាប្រជាជនកម្ពុជាដែលមានចំណូលទាប និងមធ្យម ហើយ កម្ចីដែលយើងផ្តល់ឲ្យពួកគេមានរយៈពេលវែងរហូតដល់ ២០ឆ្នាំ អាស្រ័យហេតុនេះហើយ ដើម្បីឲ្យផែនការនៃដំណើរដ៏វែងឆ្ងាយមួយនេះប្រព្រឹត្តទៅបានជោគជ័យ បានព្យាយាមជួយស្វែងរកនូវដំណោះស្រាយ និង ការការពារដែលប្រសើរសម្រាប់អតិថិជនគ្រប់រូប ដើម្បីធានាឲ្យបានថា ពួកគេនឹងរក្សាបាននូវសុវត្ថិភាពហិរញ្ញវត្ថុក្នុងការទទួលបានផ្ទះជាកម្មសិទ្ធិផ្ទាល់ខ្លួន ដែលអាចនឹងផ្តល់សុភមង្គល សេចក្តីសុខ និងស្ថិរភាពក្នុងក្រុមគ្រួសារពួកគាត់។ អត្ថប្រយោជន៍នេះនឹងផ្តល់ជូនដល់អតិថិជនចាប់ពីថ្ងៃចុះហត្ថលេខានេះតទៅ ។"

គ្រឹះស្ថានមីក្រូហិរញ្ញវត្ថុ ហ្វឺស ហ្វាយនែន ភីអិលស៊ី បានទទួលអាជ្ញាប័ណ្ណពីធនាគារជាតិនៃកម្ពុជា នៅឆ្នាំ២០០៩ ហើយបានក្លាយជាគ្រឹះស្ថានមីក្រូហិរញ្ញវត្ថុឯកទេស ក្នុងការផ្តល់ឥណទានខ្នាតតូចសម្រាប់ទិញផ្ទះ ទិញដីលំនៅដ្ឋាន ជួសជុល និងសាងសង់ផ្ទះ ទៅដល់គ្រួសារដែលមានចំណូលទាប និងមធ្យមមុនគេក្នុងប្រទេសកម្ពុជា។

“ Camlife គឺជាក្រុមហ៊ុនធានារ៉ាប់រងអាយុជីវិត ដំបូងបំផុតដែលបានបើកដំណើរការក្នុង ព្រះរាជាណាចក្រកម្ពុជា ដោយមានចក្ខុវិស័យ ផ្តល់នូវការធានាដល់ប្រជាជនកម្ពុជារស់នៅ ប្រកបដោយសុវត្ថិភាពផ្នែកហិរញ្ញវត្ថុដ៏ប្រសើរតាមរយៈការជ្រើសរើសតម្រូវការដ៏សមស្របមួយ ដើម្បីបំពេញគុណតម្លៃជីវិតរបស់ពួកគេ៕