រឿងសំខាន់ដែលគួរដឹងនៅការចាប់ឆ្នោតវគ្គ១៦ក្រុម

2017-12-07 03:57:43
ចំនួនមតិ 0 | ចំនួនចែករំលែក 0

ចន្លោះមិនឃើញ

ការប្រកួត UEFA Champions League វគ្គសន្សំពិន្ទុក្នុងពូលបានចប់ជាស្ថាពរត្រឹមយប់មិញនេះ ក្នុងនោះក្រុម១៦ត្រូវឡើងទៅប្រជែងវគ្គបន្ត។

វគ្គក្នុងពូលពី A ដល់ H បានប្រកួតគ្នាយ៉ាងក្ដៅគគុកចាប់តាំងពីខែសីហាមក ហើយទីបំផុតក្រុមដែលកក់កៅអីទៅវគ្គ១៦ក្រុមមានដូចជា Barcelona, Basel, Bayern München, Beşiktaş, Chelsea, Juventus, Liverpool, Manchester City, Manchester United, Paris Saint-Germain, Porto, Real Madrid, Roma, Sevilla, Shakhtar Donetsk និង Tottenham Hotspur។

ការចាប់ឆ្នោតរើសគូវគ្គ១៦ក្រុមនឹងធ្វើនៅថ្ងៃទី ១១ ខែធ្នូ នៅទីក្រុង Nyon ប្រទេសស្វីស ប៉ុន្តែមុនការចាប់ឆ្នោតមកដល់ Sabay សូមបង្ហាញរឿងមួយចំនួនឲ្យប្រិយមិត្តដឹងកាន់តែច្បាស់៖

ក្រុមទាំង១៦ នឹងបែងចែកទៅជា២ គឺក្រុមលេខ១ និងលេខ២ ដោយផ្អែកលើចំណាត់ថ្នាក់ក្នុងពូល។
ក្រុមលេខ១ក្នុងពូល នឹងត្រូវប៉ះក្រុមលេខ២មកពីពូលផ្សេង។
ក្រុមដែលជួបគ្នាក្នុងពូលនឹងមិនជួបគ្នានៅវគ្គ១៦ក្រុមចុងក្រោយនេះទៀតទេ។
ក្រុមមកពីលីគតែមួយក៏មិនជួបគ្នានៅវគ្គនេះដែរ ឧទាហរណ៍ Real Madrid មិនអាចជួប Barcelona។
នៅវគ្គ១៦ក្រុមនេះ ក្រុមលេខ១ នឹងធ្វើការប្រកួតជើងទីមួយនៅក្រៅទឹកដី នៅថ្ងៃទី១៣/១៤ ខែកុម្ភៈ ឬថ្ងៃទី ២០/២១ ខែកុម្ភៈ ហើយជើងទីពីរក្នុងទឹកដីនៅថ្ងៃទៅ ៦/៧ ខែមិនា ឬ ១៣/១៤ ខែមិនា ឆ្នាំ២០១៨៕