រថយន្តក្រុងឥតមនុស្សបើក ចាប់ផ្តើមប្រតិបត្តិការសាកល្បងក្នុងទីក្រុងសិនចិន
- 2017-12-07 04:30:00
- ចំនួនមតិ 0 | ចំនួនចែករំលែក 0
រថយន្តក្រុងឥតមនុស្សបើក ចាប់ផ្តើមប្រតិបត្តិការសាកល្បងក្នុងទីក្រុងសិនចិន
ចន្លោះមិនឃើញ
រថយន្តក្រុងបើកបរដោយខ្លួនឯងចំនួន ៤ គ្រឿង បានចាប់ផ្តើមប្រតិបត្តិការសាកល្បងនៅថ្ងៃសៅរ៍ទី២ធ្នូនៅទីក្រុងសិនចិន ភាគខាងត្បូងប្រទេសចិន ដែលជាទីក្រុងល្បីល្បាញខាងសម្បូរក្រុមហ៊ុនបច្ចេកវិជ្ជាខ្ពស់។
រថយន្តក្រុងឆ្លាតទំហំតូចជាងរថយន្តក្រុងធម្មតានេះ បានចាប់ផ្តើមរត់លើផ្លូវប្រវែង ១,២ គីឡូម៉ែត្រ ជាមួយនឹងចំណត ៣ កន្លែងនៅក្នុងតំបន់ហ្វូទៀន។
រថយន្តក្រុងមានល្បឿនកំណត់ទុកមុនគឺពី ១០ ទៅ ៣០ គីឡូម៉ែត្រក្នុងមួយម៉ោង។ ដោយបំពាក់មកជាមួយឧបករណ៍ចាប់ពន្លឺរថយន្តដទៃ កាមេរ៉ា និងអង់តែន GPS រថយន្តក្រុងនេះអាចបញ្ចៀសការបុកអ្នកថ្មើរជើង យានយន្តនានា និង របាំងចែកទ្រូងថ្នល់ ប្តូរគន្លងផ្លូវដោយសុវត្ថិភាព និង ឈប់នៅទីតាំងដែលបានកំណត់។
ឡានក្រុងនេះនឹងមានអ្នកបើកបរម្នាក់ ដែលអាចចាប់ហ្វ្រាំងឬប្តូររថយន្តនេះពីការបើកបរដោយខ្លួនវាទៅជាបើកបរដោយមនុស្ស នៅពេលមានអាសន្ន។
គម្រោងនេះត្រូវបានបង្កើតឡើងរួមគ្នាដោយមជ្ឈមណ្ឌលប្រព័ន្ធដឹកជញ្ជូនឆ្លាតថ្នាក់ជាតិផ្នែកវិស្វកម្មនិងបច្ចេកវិជ្ជា និងក្រុមហ៊ុន Shenzhen Bus Group៕
ទទួលបានព័ត៌មានថ្មីៗ គន្លឹះមានប្រយោជន៍រួមទាំងចំណេះដឹងផ្សេងៗពីបច្ចេកវិទ្យា Like Page Sabay News Technology...
អត្ថបទ៖ rasmeinews
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
