Samsung ចែកមួកសុវត្ថិភាពជាង ១ ០០០ ដល់សិស្សវិទ្យាល័យព្រះស៊ីសុវត្ថិ
- 2017-12-07 10:55:27
- ចំនួនមតិ 0 | ចំនួនចែករំលែក 0
Samsung ចែកមួកសុវត្ថិភាពជាង ១ ០០០ ដល់សិស្សវិទ្យាល័យព្រះស៊ីសុវត្ថិ
ចន្លោះមិនឃើញ
ដើម្បីទប់ស្កាត់គ្រោះថ្នាក់ចរាចរណ៍នៅកម្ពុជា Samsung បានរៀបចំពិធីចែកមួកសុវត្ថិភាព ក្រោមគោលគំនិត "អនាគតសិស្សឆ្នើម ផ្ដើមពីសុវត្ថិភាពលើដងផ្លូវ" កាលពីព្រឹកមិញ នៅវិទ្យាល័យព្រះស៊ីសុវត្ថិ ដោយមានវត្តមានឯកឧត្ដម ប៊ូ ជុំសេរី អនុរដ្ឋលេខាធិការនៃក្រសួងអប់រំ យុវជន និងកីឡា ដែលជួយធ្វើឲ្យអ្នកបើកបរនៅកម្ពុជាមានការប្រុងប្រយ័ត្នក្នុងការធ្វើដំណើរ។
ឯកឧត្ដម ប៊ូ ជុំសេរី មានប្រសាសន៍ថា៖ "ខ្ញុំសូមអរគុណដល់ Samungដែលបានរៀបចំកម្មវិធីនេះឡើង ដើម្បីជំរុញឲ្យយើងទាំងអស់គ្នាយល់ដឹងជាសាធារណៈពីវិធានការ ការពារអាយុជីវិតប្រជាជនកម្ពុជា និងលើកស្ទួយដល់ការអភិវឌ្ឍប្រទេសជាតិ"។
លោក Seungho Choi អគ្គនាយកគ្រប់គ្រង ថៃ Samsung អេឡិចត្រូនិកសាខាកម្ពុជា បាននិយាយថា៖ "សាររបស់ខ្ញុំជូនទៅកាន់សិស្សទាំងអស់គ្នាថ្ងៃនេះ ប្អូនៗត្រូវពាក់មួកសុវត្ថិភាពជានិច្ចនៅពេលជិះកង់ ឬម៉ូតូ ដើម្បីការពារខ្លួន និងមនុស្សជុំវិញអ្នកពីគ្រោះថ្នាក់ចរាចរណ៍ដែលអាចកើតមានឡើងជាយថាហេតុ និងកាត់បន្ថយការព្រួយបារម្ភរបស់ក្រុមគ្រួសារ"។
កញ្ញា ឱក សុគន្ធកញ្ញា អ្នកតំណាងទូរសព្ទដៃ Samsung បានបង្ហាញចំណាប់អារម្មណ៍ថា៖ "នាងខ្ញុំធ្លាប់ឃើញឧប្បត្តិហេតុ និងសោកនាដកម្មផ្សេងៗ កើតឡើងជារៀងរាល់ថ្ងៃ ដូច្នេះនាងខ្ញុំ សូមសំណូមពរឲ្យបងប្អូន ពូមីងទាំងអស់ ពាក់មួកសុវត្ថិភាពដើម្បីការពារជីវិតយើងទាំងអស់គ្នាព្រោះអាយុជីវិតរបស់យើងម្នាក់ៗពិតជាសំខាន់ជាងអ្វីទាំងអស់"។
ក្រៅពីទទួលបានមួកសុវត្ថិភាពជាង ១ ០០០ សិស្សវិទ្យាល័យព្រះស៊ីសុវត្ថិក៏ទទួលការបណ្ដុះបណ្ដាលពីប៉ូលិសចរាចរក្រោមប្រធានបទការប្រើប្រាស់មួកសុវត្ថិភាពផងដែរ៕