ឡុង សុភី ចង់ឲ្យអ្នកប្រដាល់នៅកម្ពុជាទាំងអស់មានក្របខ័ណ្ឌរដ្ឋ
- 2017-12-08 03:10:13
- ចំនួនមតិ 0 | ចំនួនចែករំលែក 0
ឡុង សុភី ចង់ឲ្យអ្នកប្រដាល់នៅកម្ពុជាទាំងអស់មានក្របខ័ណ្ឌរដ្ឋ
ចន្លោះមិនឃើញ
អ្នកលេងជង្គង់ ឡុង សុភី ចង់ឲ្យអ្នកប្រដាល់ទាំងអស់នៅប្រទេសកម្ពុជាមានក្របខ័ណ្ឌរដ្ឋដូចជាមន្ត្រីប៉ូលិស ឬទាហានជាដើម ដើម្បីឲ្យពួកគេរឹតតែមានទឹកចិត្តខំប្រឹងអភិរក្សក្បាច់គុនបុរាណមួយនេះ ហើយណាមួយពួកគេក៏ប្រកួតតំណាងឲ្យកម្ពុជាទៀតផង។
កីឡាករ ឡុង សុភី បានឲ្យដឹងថា ពិតជាសប្បាយរីករាយខ្លាំងនៅពេលដែលខ្លួនបានក្លាយមន្ត្រីប៉ូលិស ហើយមានការយកចិត្តទុកដាក់ដូចជាការផ្ដល់ប្រាក់ឧបត្ថម្ភពេលដែលប្រកួតឈ្នះនៅតាមសង្វៀននានាពីសំណាក់អង្គភាពកីឡាក្រសួងមហាផ្ទៃដូចនេះ។
កូនសិស្ស ឡុង សាលវ័ន្ត រូបបន្ថែមថា ការជួយលើកទឹកចិត្ត ឬបានក្លាយជាមន្រ្តីរាជការណាមួយធ្វើឲ្យកីឡាកររឹតតែមានទឹកចិត្តខំប្រឹងហ្វឹកហាត់ក៏ដូចជានិងប្រកួតប្ដូរផ្ដាច់យកជ័យជម្នះមិនថានៅការប្រកួតក្នុងប្រទេស ឬក្រៅប្រទេសនោះទេ។ «សុភី» ក៏សំណូមពរដល់អ្នកដែលមានទ្រព្យធននៅកម្ពុជាទាំងអស់សូមជួយលើកទឹកចិត្តអ្នកកីឡាប្រដាល់ផងមិនថាតិចឬច្រើននោះទេ ព្រោះវិស័យកីឡារីកលូតលាស់ទៅបានអាស្រ័យលើការលើកទឹកចិត្តគាំទ្រ។
ឡុង សុភី ជាកីឡាករក្នុងក្លឹបប្រដាល់ សាលវ័ន្តកីឡា បច្ចុប្បន្ននេះជាគេក៏ជាប៉ូលិសនៅក្នុងអង្គភាពកីឡាក្រសួងមហាផ្ទៃផងដែរ ហើយថែមទាំងបានប្រាក់ឧបត្ថម្ភ ១០ម៉ឺនរៀល ក្រោយយកឈ្នះជើងខ្លាំង Watchhailek កាលពីសប្ដាហ៍មុនទៀតផង៕