ធាត់ពេក Human Ken Doll ចង់កាត់ឆ្អឹងជំនីរ៦កង់ចេញដើម្បីឲ្យស្គម
- 2017-12-08 05:00:00
- ចំនួនមតិ 0 | ចំនួនចែករំលែក 0
ធាត់ពេក Human Ken Doll ចង់កាត់ឆ្អឹងជំនីរ៦កង់ចេញដើម្បីឲ្យស្គម
ចន្លោះមិនឃើញ
កម្មវិធីជប់លៀងបុណ្យណូអែលក្នុងផ្ទះរបស់តារាកម្មវិធីទូរទស្សន៍ Human Ken Doll ត្រូវបានលុបចោលដោយសារតែលោកចង់ចំណាយលុយទាំងប៉ុន្មានលើការវះកាត់រូបរាងឲ្យបានស្គមឡើងវិញ។
តារាកម្មវិធីទូរទស្សន៍បានប្រាប់ វិបសាយ Mirror ថា៖ "ខ្ញុំត្រូវលុបការអញ្ជើញទាំងប៉ុន្មានចោលព្រោះខ្ញុំដូចជាមានអារម្មណ៍មិនសប្បាយចិត្តចំពោះរូបរាងខ្ញុំឥឡូវនេះទេ។ ខ្ញុំបានលុបចោលកម្មវិធីជប់លៀងបុណ្យណូអែលចោល ព្រោះតែឈុតសំលៀកបំពាក់ទាំងប៉ុន្មាន ខ្ញុំពាក់លែងត្រូវហើយ ហើយខ្ញុំមិនចង់ទទួលយកការពិតថាខ្ញុំនឹងធាត់ជាងនេះទៀតទេ"។
តារាវ័យ៣៤ឆ្នាំរូបនេះ ទើបតែយកជាតិពុលក្នុងខ្លួនចេញនៅឯប្រទេសឥណ្ឌាកាលពីថ្មីៗនេះព្រោះលោកជឿថាវាអាចជួយសម្រកគីឡូបាន។ ទោះជាយ៉ាងណាក៏ដោយ ក៏លោកនៅតែគិតខ្លាចថារូបរាងរបស់លោកនឹងត្រឡប់ទៅដូចពេលដែលមិនទាន់វះកាត់វិញ អាចនិយាយបានថាធាត់ខ្លាំង និងគ្មានរាងរៅ។
ដូចនេះ ដើម្បីកុំឲ្យបានបញ្ហានេះកើតឡើង តារារូបនេះមានគម្រោងកាត់ឆ្អឹងជំនីរ៦កង់ចោលក្នុងឆ្នាំថ្មីនេះ ទោះជាលោករកបានគ្រូពេទ្យដែលទទួលព្រមវះកាត់ឲ្យលោកតែ៤កង់ក៏ដោយ។
"ឆ្អឹងជំនីររបស់ខ្ញុំចាប់ផ្ដើមរីកធំ ហើយខ្ញុំក៏បានសម្រេចចិត្តកាត់វា៦កង់ចោលក្នុងសប្ដាហ៍ដំបូងនៃខែមករាក្នុងទីក្រុង Beverly Hills។ ឆ្អឹងជំនីរខ្ញុំ៤កង់ជាឆ្អឹងអណ្ដែត វាគ្មានអីសំខាន់ត្រូវប្រើប្រាស់នោះទេ ដូច្នេះវាស្រួលក្នុងការកាត់ចេញ។ អ្វីដែលខ្ញុំចង់បាន គឺត្រូវតែមានរូបរាងអស្ចារ្យក្នុងឆ្នាំ២០១៨ ហើយនិងមានចង្កេះដ៏តូចដែលស័ក្ដិសមជាមួយម៉ូដសម្លៀកបំពាក់ថ្មីរបស់ខ្ញុំ"។ តារាកម្មវិធីទូរទស្សន៍រូបនេះបន្ថែម។
បើគិតមកដល់ពេលឥឡូវនេះ Rodrigo Alves បានឆ្លងកាត់ការវះកាត់ចំនួន ៥១ដងហើយ រួមមាន ការវះកាត់ច្រមុះចំនួន១០ដង ការវះលើកត្រគាក វះកាត់ចាក់ស៊ីលីកូនយកសាច់ដុំ៨កង់ និងការបណ្ដុះសក់ដែលសរុបការចំណាយទាំងអស់ គឺច្រើនជាង៤៣៨ ៩១២ ដុល្លារ ទៅទៀត៕
ចុចអាន៖ មកមើលមុខតារាទូរទស្សន៍ Human Ken Doll មុនវះកាត់យ៉ាងម៉េចទៅ?