Pep ខ្លាច Man Utd លេងមួយក្បាច់នេះ ប្រាប់កូនក្រុមឱ្យប្រយ័ត្នមែនទែន
- 2017-12-08 04:17:44
- ចំនួនមតិ 0 | ចំនួនចែករំលែក 0
Pep ខ្លាច Man Utd លេងមួយក្បាច់នេះ ប្រាប់កូនក្រុមឱ្យប្រយ័ត្នមែនទែន
ចន្លោះមិនឃើញ
ជំនួប Manchester Derby នឹងឈានចូលមកដល់នៅថ្ងៃអាទិត្យវេលាម៉ោង ១១:៣០នាទីយប់ចុងសប្ដាហ៍នេះហើយ ដែលនេះជាការប៉ះគ្នារវាងក្រុមលេខ១ប៉ះក្រុមលេខ២ នៅលីគកំពូលអង់គ្លេស។
លេងនៅ Old Trafford ធ្វើឱ្យក្រុម Manchester City អាចនឹងពិបាកបន្តិច ត្បិតអីបិសាចក្រហមមានកំណត់ត្រាល្អក្នុងដីខ្លួនឯង មិនដែលចាញ់ឡើយរដូវកាលនេះ។ មើលឃើញពីសមត្ថភាពក្រុម Jose Mourinho លេងល្អយ៉ាងនេះ ធ្វើឱ្យលោក Pep Guardiola ព្រមានកូនក្រុមមិនឱ្យបង្កកំហុសច្រើនឡើយ ព្រោះបិសាចក្រហមលេងបាល់ set-pieces បានល្អ។ ស្របពេលដែលក្រុម Man City វិញ ប៉ុន្មានប្រកួតមកនេះ ឃើញថារបូតគ្រាប់បាល់ជាញឹកញាប់ដោយសារការលើកបាល់ set-pieces នេះឯង។
ជាក់ស្ដែង ក្រុមលោក Pep ពិតជាពិបាកលេងរបៀបខាងលើមែន ហើយការលេងបាល់លើវិញក៏អាចនឹងចាញ់ខាង Man Utd ដែរ ព្រោះថាកម្ពស់របស់ក្រុមកីឡាករលោក Jose ខ្ពស់ជាងខាង Man City ដាច់។ បញ្ហានេះហើយ បានជាធ្វើឱ្យអតីតគ្រូបង្វឹក Bayern Munich , Barcelona បារម្ភចំពោះការប្រកួតសំខាន់នៅចុងសប្ដាហ៍នេះ ព្រោះថាបើបាត់៣ពិន្ទុ នោះនឹងធ្វើឱ្យ Man Utd កាន់តែខិតមកកៀកពួកគេកាន់តែខ្លាំង៕