ថែមថ្មីម្នាក់ទៀត ធ្វើឲ្យបឹងកេតមានខ្សែប្រយុទ្ធដ៏មុតស្រួច៥នាក់

2017-12-08 04:32:22
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមបឹងកេតត្រូវតទល់នឹងម្ចាស់ផ្ទះ Sanna Khánh Hòa BVN FC ល្ងាចនេះថ្ងៃសៅរ៍ ទី៩ ខែធ្នូនេះដែលជាការប្រកួតពានរង្វាន់ Toyota Mekong Club Championshipជើងទី១។ ការប្រកួតនេះក្រុមភ្ញៀវមានខ្សែប្រយុទ្ធដ៏សំខាន់៥នាក់នាក់បូករួមទំាង ចាន់ វឌ្ឍនាកា ដែលអវត្តមានថ្ងៃស្អែក។

កីឡាករ Maycon Calijuri៖ ខ្សែប្រយុទ្ធសញ្ជាតិប្រេស៊ីលរូបនេះបង្ហាញទម្រង់លេងយ៉ាងល្អ និងសម្រេចទីដ៏មានប្រសិទ្ធភាពក្នុងលីគកម្ពុជារដូវកាលនេះដែលរូបគេរកបាន២១គ្រាប់ហើយ។

កីឡាករ Myaycon

- កីឡាករ Esoh Paul Omogba៖ សមាជិកជនជាតិនីហ្សេរីយ៉ារូបនេះក៏ជាផ្នែកមួយដ៏សំខាន់ដែលជួយបឹងកេតទទួលបានចំណាត់ថ្នាក់លេខ១ពីការប្រកួតលីគកម្ពុជាទាំងពីរជើង។ និយាយតំបន់ជួរមុខ រូបគេបង្កើតឱកាសមាសបានច្រើនណាស់ដល់អ្នកសម្រេចទីចុងក្រោយ។

កីឡាករ Omogba

កីឡាករ Samuel Ajayi៖ បើនិយាយពីកីឡាករ Omogba ខាងលើនៅក្លឹបបឹងកេត អ្នកគាំទ្រច្បាស់ជានឹកឃើញដល់ Ajayi ជាមិនខានឡើយ។ រូបគេក៏ជាតួដ៏សំខាន់សម្រាប់បង្កើតឱកាសស៊ុតបំប៉ោងសំណាញ់ទីរបស់បឹងកេត។ កីឡាករពីរនាក់នេះហើយជាចំណែកដ៏សំខាន់ជួយដល់ ចាន់ វឌ្ឍនាកាស៊ុតបញ្ចូលទីឲ្យបឹងកេតឡើងដល់ផ្តាច់ព្រ័ត្រពានរង្វាន់ Mekong Club នេះកាលពីឆ្នាំ២០១៥។

កីឡាករ Samuel (ស្តាំ)

កីឡាករ Julius Oliboh៖ កីឡាករជនជាតិនីហ្សេរីយ៉ារូបនេះធ្លាប់មកជួយបឹងកេតម្តងហើយកាលពីឆ្នាំ២០១៦ក្នុងពានរង្វាន់នេះដដែល។ ឆ្នាំ២០១៧នេះរូបគេបានលេចមុខជួយម្តងទៀតដែលបានក្លាយជាកីឡាករសំខាន់មួយរូប។ កីឡាកររូបនេះល្អណាស់នៅតំបន់ប្រយុទ្ធដោយសារកាយសម្បទាល្អ។ កាលពីឆ្នាំ២០១៦កន្លងទៅ អតីតគ្រូបង្វឹកបឹងកេត ប្រាក់ សុវណ្ណារ៉ាប្រាប់ថារូបគេជាទទួលបានកម្រៃខ្ពស់ជាងគេ បើធៀបនឹងកីឡាករបរទេសលេងនៅលីគកម្ពុជាកាលពីរដូវកាល២០១៦។

កីឡាករ Julius

និយាយរួម Samuel Ajayi និង Omogba បានសហការគ្នាម្តងទៀតហើយដើម្បីជួយដល់ខ្សែប្រយុទ្ធកម្ពុជា ចាន់ វឌ្ឍនាកា សម្រេចទីចុងក្រោយ ដូចដែលពួកគេធ្លាប់ជួយកាលពីឆ្នាំ២០១៥កន្លងទៅ។ ទោះជាយ៉ាងណា វឌ្ឍនាកា អវត្តមានសម្រាប់ការប្រកួតថ្ងៃស្អែក ប៉ុន្តែនៅទឹកដីកម្ពុជាថ្ងៃទី១៣ខាងមុខនេះរូបគេជួយបឹងកេតបាន៕