រដូវធ្លាក់ខ្យល់ អ្នកលក់ខ្លែងញញឹមបិទមាត់លែងជិត
- 2017-12-08 09:26:11
- ចំនួនមតិ 0 | ចំនួនចែករំលែក 0
រដូវធ្លាក់ខ្យល់ អ្នកលក់ខ្លែងញញឹមបិទមាត់លែងជិត
ចន្លោះមិនឃើញ
«ក្រៅពីរត់កង់បី ខ្ញុំលក់ខ្លែងហ្នឹងឯង មួយថ្ងៃៗលក់បានប្រាក់ជាង១០ម៉ឺនរៀលដែរ»នេះជាសម្តីរបស់បុរសវ័យ៣៥ឆ្នាំ ម្នាក់កំពុងរៀបចំកន្លែងដាក់តាំងខ្លែងលក់នៅតាមបណ្តោយផ្លូវជាតិលេខ២ក្បែររង្វង់មួលកួរស្រូវ ក្នុងខណ្ឌដង្កោ។
លោក ជេត ភារ៉ែន រៀបរាប់ថាពីរទៅបីថ្ងៃម្តងលោកបញ្ជាទិញខ្លែងដែលផលិតនៅប្រទេសវៀតណាមជាង១០០ខ្លែងតាមរយៈឈ្មួញវៀតណាមនៅកម្ពុជា។ លោកលើកពីគុណសម្បត្តិរបស់ខ្លែងដែលផលិតនៅប្រទេសវៀតណមនេះថាធ្វើជាប់បានល្អ ធន់នឹងទឹកមិនងាយខូច និងមានចាក់ពណ៌ជាប់បានល្អទៀតផង។
លោកបន្ថែមថា៖ «បងមើលគេដេរសុទ្ធតែម៉ាស៊ីន...ជាប់ ចាក់ពណ៌បានល្អ មិនចេញពណ៌ទេ»។
លោកបន្តថាក្មេងៗចូលចិត្តទិញខ្លែងទាំងនេះដើម្បីបង្ហោះលេង ដោយថាខ្លែងមួយលោកលក់ក្នុងតម្លៃចន្លោះពី៤ ០០០រៀល ទៅ២០ ០០០រៀលទៅតាមប្រភេទនៃខ្លែងធំឬតូច។ យ៉ាងណាមិញលោកថាក្នុងខ្លែងមួយលោកចំណេញបានចន្លោះពី៥០០រៀល ទៅ២ ០០០រៀល។
លោកបន្ថែមថាៈ «ទំនេរពីរត់កង់បី ក៏លក់ខ្លែងនេះទៅ បើមានម៉ូយដឹកក៏ដឹកទៅ តែបើអត់ក៏នៅលក់ខ្លែង...ព្រោះប្រពន្ធនៅលក់ទឹកសុទ្ធជិតហ្នឹង»។
របរលក់ខ្លែងនេះ លោក ភារ៉ែន ថាលោកចាប់ផ្តើមលក់ពីខែកញ្ញា ទៅដល់ខែកុម្ភៈ ជារៀងរាល់ឆ្នាំ ហើយរបរនេះទៀតសោតលោកថាលោកលក់តាមជនជាតិវៀតណាមដែលដើរលក់ខ្លែងនៅតាមភូមិរបស់លោក និងក្រោយពីឃើញថាក្មេងៗ និងអ្នកដំណើរចូលចិត្តទិញខ្លែងប្រភេទនេះឲ្យកូនរបស់ពួកគេ៕