Klopp៖ គ្មាននរណាប្រាប់ខ្ញុំឲ្យលក់ Coutinho ខែមករាទេ

2017-12-09 00:04:11
ចំនួនមតិ 0 | ចំនួនចែករំលែក 0

ចន្លោះមិនឃើញ

Philippe Coutinho សារភាពថាខ្លួនចាប់អារម្មណ៍ការផ្ទេរទៅ Barcelona កាលពីដើមរដូវកាល ហើយក៏មិនច្បាស់ថាអនាគតជាមួយ Liverpool ទៅជាយ៉ាងណាដែរ។

Coutinho

ខ្សែបម្រើឆ្នើមវ័យ២៥ឆ្នាំបានសុំក្លឹបចាកចេញក្នុងខែសីហាកន្លងទៅតែ Liverpool បដិសេធ និងច្រានចោលសំណើទិញ៣ដងរបស់ក្លឹបយក្សអេស្ប៉ាញ។ "ខ្ញុំមិនដឹងថារឿងថ្ងៃអនាគតមានអ្វីកើតឡើងទេ។ រឿងខែមករាយើងនឹងដឹងនៅខែមករាព្រោះខ្ញុំក៏មិនដឹងដែរថា Barcelona នឹងដាក់សំណើមកទៀតឬអត់"។ ខ្សែបម្រើដែលចុះកុងត្រា៥ឆ្នាំជាមួយក្លឹបនៅ Anfield និយាយដូច្នេះ។

ពាក់ព័ន្ធនឹងបញ្ហានេះ Jurgen Klopp ជាអ្នកចាត់ការទូទៅបានទម្លាយថាម្ចាស់ក្លឹបមិនបានប្រាប់លោកឲ្យលក់ Coutinho ឡើយបើទោះជាមានសំណើមកទៀតនៅខែមករាក៏ដោយ។ "ទោះជាខ្ញុំឆ្លើយប៉ុន្មានដងទៀត ក៏សំណួរនឹងនៅតែមានអ្នកសួរសំណួរដដែល។ ខ្ញុំគ្មានហេតុផលណាដែលគិតពីរឿងបាត់បង់ Coutinho ឡើយ។ គាត់ចាកចេញខែមករាឬអត់គ្មាននរណាមកប្រាប់ខ្ញុំឲ្យលក់ទេ"។

គួររម្លឹកថា Barcelona ចង់បាន Coutinho យ៉ាងអន្ទះសាក្រោយក្លឹបលក់ Neymar ឲ្យ Paris St-Germain ក្នុងតម្លៃ២០០លានផោន។ យ៉ាងណាសំណើ៣លើកចំនួន ៧២, ៩០ និងចុងក្រោយ ១១៤លានផោនសុទ្ធតែត្រូវ Liverpool ទាត់ចោល៕