Ronaldo រកចំណូលពីការផ្សាយពាណិជ្ជកម្ម និង ថតស្ប៉តសឹងតែបានច្រើនជាងលេងបាល់ទៀត
- 2017-12-10 09:23:38
- ចំនួនមតិ 0 | ចំនួនចែករំលែក 0
Ronaldo រកចំណូលពីការផ្សាយពាណិជ្ជកម្ម និង ថតស្ប៉តសឹងតែបានច្រើនជាងលេងបាល់ទៀត
ចន្លោះមិនឃើញ
ទស្សនាវដ្តី Forbes ដ៏មានប្រជាប្រិយភាពបំផុតរបស់ពិភពលោកបានចុះផ្សាយថា Ronaldo គឺជាអត្តពលិកដែលរកចំណូលបានច្រើនជាងគេបំផុត គិតជាទឹកប្រាក់ប្រមាណ ៩៣ លានដុល្លារក្នុង១ឆ្នាំៗ។
ម្ចាស់ពាន Ballon d'or ៥សម័យកាលនឹងចុះកុងត្រារយៈពេល៤ឆ្នាំទៀតជាមួយ Real Madrid ក្នុងនោះប្រាក់បៀរវត្សន៍ប្រចាំឆ្នាំរបស់ Ronaldo គឺ ៥៣ លានដុល្លារក្នុង១ឆ្នាំៗ។
លើសពីនោះទៀតកីឡាករវ័យ៣២ឆ្នាំ បានចំណូលពីការថតស្ប៉ត ផ្សាយពាណិជ្ជកម្ម និង តំណាងឲ្យក្រុមហ៊ុនយក្សរបស់ពិភពលោកដូចជា នាឡិកា Tag Heuer, ផលិតផលអាហារបំប៉ន Herbalife, ក្រុមហ៊ុន KFC និង សំលៀកបំពាក់ម៉ាក Armani ជាដើម ដែលចំណូលសរុបក្នុង១ឆ្នាំៗប្រមាណ ៣៥ លានដុល្លារ។
នេះមិនរាប់ដល់ការចុះកុងត្រាតំណាងឲ្យ Nike ពេញមួយជីវិត ដែលក្រុមហ៊ុននឹងបង់លុយឲ្យកីឡាករសញ្ជាតិព័រទុយហ្គាល់នេះនូវទឹកប្រាក់ ១ ប៊ីលានដុល្លារ (១ពាន់លានដុល្លារ)។
ជាងនេះទៅទៀត កំលោះកូន៣នេះ មានក្រុមហ៊ុនផ្ទាល់ខ្លួនម៉ាកផលិតផល CR7 រួមមានស្បែកជើង លីអូ ទឹកអប់ ខោខូវប៊យ និង សណ្ឋាគារ។ កីឡាករ Ronaldo នៅតែជាអត្តពលិកដែលមានប្រជាប្រិយភាពបំផុតក្នុងពិភពលោក ដែលមានអ្នកគាំទ្រលើបណ្តាញសង្គមចំនួន ២៧៥ លាននាក់។ ប្រភពខាងលើបន្ត៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
