តារាថៃ Ja Jittapa និងគូស្នេហ៍សម្រេចរៀបការ បញ្ចប់ឈ្មោះជាសង្សារនឹងគ្នាហើយ
- 2017-12-11 03:20:00
- ចំនួនមតិ 0 | ចំនួនចែករំលែក 0
តារាថៃ Ja Jittapa និងគូស្នេហ៍សម្រេចរៀបការ បញ្ចប់ឈ្មោះជាសង្សារនឹងគ្នាហើយ
ចន្លោះមិនឃើញ
តារាសម្ដែងស្រីល្បីឈ្មោះម្នាក់របស់ប្រទេសថៃ Ja Jittapa និងផលិតករ Earn Nitipat រៀបមង្គលការនឹងគ្នាហើយ កាលពីថ្ងៃទី ១០ ខែធ្នូ ឆ្នាំ ២០១៧ម្សិលមិញនេះ។
គូស្នេហ៍ដ៏ល្អូកល្អិន Earn និង Ja បានសម្រេចរៀបការទៅតាមប្រពៃណី ស្របច្បាប់ កាលពីម្សិលមិញ នៅតំបន់លម្ហែល្បីឈ្មោះ១កន្លែងឈ្មោះ The Paz Khao Yai ដែលស្ថិតនៅខេត្តភាគឦសាននៃប្រទេសថៃ។ ពិធីនេះដែរ ក៏មានការចូលរួមពីមិត្តភ័ក្ដិមួយចំនួនរបស់កូនកំលោះកូនក្រមុំ ដូចជា តារាសម្ដែងស្រី Eye Kamolned, Nulek Gaga, Joy Rinlanee, Nong Mac និងផលិតកររបស់ទូរទស្សន៍ប៉ុស្តិ៍លេខ ៣ថៃជាច្រើននាក់ទៀត។
ថ្វីត្បិតជាតារា និងផលិតករល្បីឈ្មោះក៏ពិតមែន ប៉ុន្តែ Earn និង Ja បានសម្រេចរៀបចំពិធីបែបសាមញ្ញបំផុត ខុសពីគូស្នេហ៍ផ្សេងទៀត។ ទោះជាយ៉ាងណា ពិធីនេះប្រព្រឹត្តិទោយ៉ាងរលូន និងពោរពេញទៅដោយសុភមង្គលបំផុត។
មុនឈានដល់ថ្ងៃរៀបការនេះ គូស្នេហ៍ទាំង ២បានទាក់ទងស្រឡាញ់គ្នាអស់រយៈពេលជាង ៥ឆ្នាំមកហើយ។ រហូតដល់ពេលនេះ ពួកគេបានទទួលជោគជ័យមួយជំហានទៀតហើយ ក្នុងជីវិត ហើយអ្នកគាំទ្រទាំងអស់ បានសម្ដែងការសាទរជាខ្លាំងចំពោះគូស្នេហ៍១នេះ៕