គ្រូ PSG ថា ចង់ឈ្នះ UCL ត្រូវប្រឈមមុខនឹង Real Madrid
- 2017-12-12 07:13:21
- ចំនួនមតិ 0 | ចំនួនចែករំលែក 0
គ្រូ PSG ថា ចង់ឈ្នះ UCL ត្រូវប្រឈមមុខនឹង Real Madrid
ចន្លោះមិនឃើញ
លោក Unai Emery អ្នកចាត់ការក្លឹប Paris Saint-Germain បាននិយាយច្បាស់ៗថា លោកមិនគិតថាចាប់ឆ្នោតជួប Real Madrid មិនមែនជារឿងអាក្រក់សម្រាប់ក្រុមទេ។
ក្រុមអ្នកមានបារាំងនឹងត្រូវធ្វើដំណើរទៅកាន់ទឹកដី Estadio Santiago Bernabeu នៅខែ កុម្ភៈ ឆ្នាំ ២០១៨ ដើម្បីលេងជើងទីមួយ ហើយក៏ជាពេលកីឡាករវ័យក្មេងទាំងពីរ Kylian Mbappeនិង Neymar ត្រូវបង្ហាញសមត្ថភាពនៅទីនោះ។
ក្រោយចាប់ឆ្នោតជួបក្រុមជើងឯកឆ្នាំចាស់លោក Emery បានពន្យល់ថា៖ "ខ្ញុំគិតថា វាមិនមែនជាការចាប់ឆ្នោតអាក្រក់នោះទេ។ វាជារឿងល្អមួយ ពួកយើងទាមទារក្នុងកម្រិតមួយ ដើម្បីលេងជាមួយ Real Madrid។ ប្រសិនជាចង់ឈ្នះ Champions League គឺត្រូវប្រឈមមុខនឹង Real Madrid”។
បុរសសញ្ជាតិអេស្ប៉ាញបានបន្តថា ប្រសិនជាចង់ស៊ី Madrid ពួកគេត្រូវរៀបចំខ្លួនឲ្យបានល្អ ហើយលោកជឿជាក់លើកូនក្រុមដែលមានទេពកោសល្យជាច្រើននាក់។ កាលពីឆ្នាំ២០១៦ ក្រុមទាំងពីរធ្លាប់ជួបគ្នាម្ដងក្នុងពានមិត្តភាព គ្រានោះ PSG ឈ្នះ ៣-១៕
តោះ!ទស្សនាការប្រកួតរវាងក្រុមទាំងពីរកាល២០១៦៖