Sergio Roberto៖ Barcelona ពិតជាចង់លេងប៉ះជាមួយ Chelsea

2017-12-12 12:12:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែបម្រើ Sergio Roberto កាលពីពេលថ្មីៗនេះបាននិយាយថា Barcelona ពិតជាចង់លេងប៉ះជាមួយក្លឹបតោខៀវ Chelsea ក្នុងវគ្គ ១៦ក្រុមចុងក្រោយនៃក្របខ័ណ្ឌ Champions League។

កីឡាករពហុជំនាញ Roberto បាននិយាយថា៖ "តាមពិតទៅ ឱកាសដែលយើងនឹងត្រូវលេងជាមួយ Chelsea គឺមានធំណាស់"។ កីឡាករសញ្ជាតិអេស្ប៉ាញរូបនេះ បានបន្តទៀតថា៖ "ប៉ុន្តែពួកយើងពិតជាចង់លេងប្រកួតហ្នឹងណាស់។ ពួកយើងដឹងថា ក្នុងវគ្គជម្រុះនៃការប្រកួតប្រជែងធំៗដូច្នេះ គូប្រកួតនីមួយៗសុទ្ធខ្លាំង។ ដូច្នេះ យើងមានតែរង់ចាំការប្រកួតអ៊ីចឹងៗមកដល់ ដើម្បីខំប្រឹងឲ្យអស់ពីសមត្ថភាពយើងដើម្បីឈ្នះ"។

ការថ្លែងនេះធ្វើឡើង បន្ទាប់ពី Barcelona ត្រូវបានចាប់ឆ្នោត ឲ្យលេងប៉ះជាមួយ Chelsea ក្នុងវគ្គ ១៦ក្រុមចុងក្រោយនៃ UCL ដែលនឹង ប្រព្រឹត្តិទៅនៅខែកុម្ភៈខាងមុខ។

សូមបញ្ជាក់ផងដែរថា កាលពីសប្ដាហ៍មុន អ្នកចាំទីរបស់ក្លឹបតោខៀវ Thibaut Courtois បាននិយាយថា Barcelona មិនចង់ជួបទេ Chelsea ក្នុងវគ្គ ១៦ក្រុមនេះ ដោយក្លឹបខ្លួននឹងប្រឹងគ្រប់យ៉ាងដើម្បីឈ្នះឡើងទៅវគ្គបន្ទាប់៕

ប្រភព៖ Marca ប្រែសម្រួល៖ ហ៊ីម រស្មី