ថៃ្ងនេះកាលពី ១៥ឆ្នាំមុន Ronaldo ប្រេស៊ីលឈ្នះពាន Ballon D'or ជាលើកទី ២របស់ខ្លួន
- 2017-12-12 12:50:00
- ចំនួនមតិ 0 | ចំនួនចែករំលែក 0
ថៃ្ងនេះកាលពី ១៥ឆ្នាំមុន Ronaldo ប្រេស៊ីលឈ្នះពាន Ballon D'or ជាលើកទី ២របស់ខ្លួន
ចន្លោះមិនឃើញ
កាលពីថ្ងៃទី ១២ ខែធ្នូ ឆ្នាំ ២០០២ ខ្សែប្រយុទ្ធមុតស្រួច Ronaldo បានឈ្នះពានកីឡាករបាល់ទាត់ល្អបំផុតក្នុងពិភពលោក Ballon D'or ជាលើកទី ២របស់ខ្លួន បន្ទាប់ពីឈ្នះម្ដងរួចហើយកាលពីឆ្នាំ ១៩៩៧។
ដោយសារបញ្ហារបួសជង្គង់ធ្ងន់ធ្ងរ Ronaldo បានបង្ហាញខ្លួនត្រឹមតែ ១៥លើក និងស៊ុតចូលត្រឹមតែ ៧គ្រាប់ឲ្យក្លឹបអ៊ីតាលី Inter Milan កាលពីរដូវកាល ២០០១/២០០២។ ទោះជាយ៉ាងណា ខ្សែប្រយុទ្ធកណ្ដាលរូបនេះ បានសះពីរបួសវិញ និងបង្ហាញទម្រង់លេងយ៉ាងល្អខ្លាំងណាស់ ក្នុង World Cup ឆ្នាំ ២០០២ ដែលធ្វើឡើងនៅជប៉ុន និងកូរ៉េខាងត្បូង។ ក្នុងព្រឹត្តិការណ៍នេះ Ronaldo បានបំប៉ោងសំណាញ់ទីរហូតដល់ ៨គ្រាប់ ក្នុងនោះ ២គ្រាប់ ស៊ុតចូលក្នុងវគ្គផ្ដាច់ព្រ័ត្រពេលលេងជាមួយអាល្លឺម៉ង់ ជួយឲ្យប្រេស៊ីលលើកពាន World Cup លើកទី ៥របស់ខ្លួន។
ក្នុងឆ្នាំដដែល Ronaldo បានចាកចេញពី Inter ទៅចូលរួមជាមួយក្លឹប Real Madrid នៅអេស្ប៉ាញ ក្នុងការផ្ទេរមួយដែលមានតម្លៃ ៤៦លានអឺរ៉ូ ហើយក៏ឈ្នះ Ballon D'or នៅទីនោះ៕