គីម ជុងអ៊ុន ប្តេជ្ញាបង្កើតគ្រាប់បែកបរមាណូ និងធ្វើឲ្យកូរ៉េខាងជើង ក្លាយជាមហាអំណាចនុយក្លេអ៊ែរ

2017-12-13 04:06:19
ចំនួនមតិ 0 | ចំនួនចែករំលែក 0

ចន្លោះមិនឃើញ

យោងតាមសារព័ត៌មាន Mirror របស់ចក្រភពអង់គ្លេស បានឲ្យដឹងថា មេដឹកនាំផ្ដាច់ការកូរ៉េខាងជើង លោក គីម ជុងអ៊ុន បានប្ដេជ្ញាថានឹងធ្វើឲ្យកូរ៉េខាងជើងក្លាយជា ប្រទេសមហាអំណាចនុយក្លេអ៊ែរខ្លាំងក្លាបំផុត និងបង្កើតគ្រាប់បែកបរមាណូ ទៀតផង។

មេដឹកនាំផ្ដាច់ការកូរ៉េខាងជើង លោក គីម ជុងអ៊ុន

នៅមុនពេលការប្ដេជ្ញារបស់ លោក គីម ជុងអ៊ុន រដ្ឋលេខាធិការអាមេរិក លោក Rex Tillerson បាននិយាយថា លោកនឹងចរចាជាមួយកូរ៉េខាងជើង ដោយគ្មានលក្ខខណ្ឌទុកជាមុនឡើយ។ ប៉ុន្តែនាថ្ងៃពុធនេះ លោក គីម ជុងអ៊ុន បានប្រាប់ក្រុមកម្មករថា រដ្ឋផ្ដាច់ការមួយនេះនឹងទទួលបានជ័យជម្នះ ហើយក្លាយជាមហាអំណាចនុយក្លេអ៊ែរ និងយោធាដ៏ខ្លាំងក្លានៅលើពិភពលោក។

លោក Rex Tillerson

«យើងនឹងបង្កើតប្រព័ន្ធអាវុធយុទ្ធសាស្ត្រថ្មី រួមទាំងគ្រាប់បែកបរមាណូ , គ្រាប់បែកអ៊ីដ្រូហ្សែន និង មីស៊ីលផ្លោងអន្តរទ្វីប ICBM។ »។ នេះបើតាមសម្ដី លោក គីម ជុងអ៊ុន។ មេដឹកនាំផ្ដាច់ការរូបនេះ បានបន្តថា «ឧស្សាហកម្មអាវុធ និង កងកម្លាំងស្វ័យការពាររបស់យើង ត្រូវបានពង្រឹងយ៉ាងខ្លាំងក្លា នៅក្នុងល្បឿនដ៏អស្ចារ្យមួយ ហើយសាធារណរដ្ឋរបស់យើង នឹងក្លាយជាមហាអំណាចនុយក្លេអ៊ែរ និងយោធាដ៏ខ្លាំងក្លាបំផុត»។

មេដឹកនាំផ្ដាច់ការកូរ៉េខាងជើង លោក គីម ជុងអ៊ុន

បន្ថែមពីលើនេះ លោកបាននិយាយថា «ជំនឿ និងការរំពឹងទុករបស់គណបក្ស , ប្រទេស និងប្រជាជនរបស់យើង គឺអស្ចារ្យណាស់សម្រាប់អ្នកវិទ្យាសាស្ត្រ , វិស្វករ , កម្មករ និងកម្មករនៅក្នុងឧស្សាហកម្មយោធា។ យើងចង់ពង្រឹងកងកម្លាំងប្រដាប់អាវុធនុយក្លេអ៊ែរឲ្យកាន់តែខ្លាំងក្លា»៕

ចុចអាន៖

ប្រភព៖ Mirror ប្រែសម្រួល៖ សេង ឡុង