កូនខ្មែរមួយក្រុម នាំគ្នាស្រាវជ្រាវផលិតក្រណាត់អនាម័យ សម្រាប់ប្រើថ្ងៃពិសេសស្ត្រី
- 2017-12-13 06:45:28
- ចំនួនមតិ 0 | ចំនួនចែករំលែក 0
កូនខ្មែរមួយក្រុម នាំគ្នាស្រាវជ្រាវផលិតក្រណាត់អនាម័យ សម្រាប់ប្រើថ្ងៃពិសេសស្ត្រី
ចន្លោះមិនឃើញ
ថ្មីៗនេះ យុវតីមួយក្រុមដែលមានឈ្មោះថា Green Lady Cambodia កំពុងស្រាវជ្រាវផលិតក្រណាត់អនាម័យប្រើប្រាស់ដូចគ្នានឹងសំឡីអនាម័យសម្រាប់ស្ត្រីពេលមករដូវ។ អ្វីដែលជាលក្ខណៈពិសេសនៃក្រណាត់អនាម័យនេះ គឺប្រើបានច្រើនដង យូរឆ្នាំ និងជួយដល់ការពារបរិស្ថាន។ នេះជាការអះអាងរបស់តំណាងក្រុមយុវតីខាងលើ។
កញ្ញា ហុក សុវណ្ណវត្តី ស្ថាបនិកវ័យក្មេងនៃ Green Lady Cambodia បានឲ្យដឹងថា ប្រជាជនស្ត្រីនៅកម្ពុជាជាច្រើន បានកំពុងប្រើប្រាស់សំឡីអនាម័យ ដែលវាត្រឹមតែប៉ះពាល់ដល់បរិស្ថានប៉ុណ្ណោះទេ វាជះឥទ្ធិលដល់សុខភាពថែមទៀត។ បច្ចុប្បន្នក្រុមយុវតីនេះកំពុងស្រាវជ្រាវផលិតធ្វើនៅក្នុងស្រុកខណៈថ្លៃដើមនឹងចំណាយខ្ពស់ជាងរបស់ដែលនាំចូល។
កញ្ញារៀបរាប់ថា ក្រណាត់អនាម័យនេះផលិតនៅប្រទេសឥណ្ឌា ហើយនិយមប្រើប្រាស់សម្រាប់នារីៗនៅប្រទេសអភិវឌ្ឍន៍។ មូលហេតុដែលនាំយកមកកម្ពុជា ព្រោះចង់ចូលរួមថែរក្សាបរិស្ថាន និងជួយរួមចំណែកចំណូលសេដ្ឋកិច្ចក្នុងគ្រួសារ។
កញ្ញាវត្តីប្រាប់ថា ចំពោះតម្លៃគឺចាប់ពី ៤ដុល្លារ ទៅ ៥ដុល្លារ ទៅតាមទំហំ និងឈុតនៃផលិតផល។ កញ្ញារំពឹងថា បើការស្រាវជ្រាវអាចបញ្ចប់ដោយរលូននៅពេលខាងមុខនោះ កញ្ញាចង់ដាក់លក់ត្រឹមតម្លៃ ៣ដុល្លារកន្លះប៉ុណ្ណោះ៕