ផលិតកម្មមួយ ត្រៀមយុទ្ធសាស្ត្របំបែកទីផ្សារ៥ប្រទេស

2017-12-13 07:00:41
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅព្រឹកមិញនេះផលិតកម្ម Wonder Film បានធ្វើពិធីក្រុងពាលីខ្សែភាពយន្តខ្នាតធំរឿង "អន្ទងវិញ្ញាណ" ជាស្នាដៃនិពន្ធ និងដឹកនាំសម្ដែងដោយលោក សែម វិសាល ដែលជាចាងហ្វាងផលិតកម្មផ្ទាល់តែម្ដង។

លោក សែម វិសាល ចាងហ្វាងផលិតកម្ម Wonder Film

ក្នុងពិធីក្រុងពាលីលោក សែម វិសាល បានមានប្រសាសន៍ថា នាពេលបច្ចុប្បន្ននេះផលិតកម្មរបស់ខ្លួនកំពុងតែស្វែងរកទីផ្សារក្រៅស្រុក ក្នុងគោលបំណងជួយផ្សព្វផ្សាយវប្បធម៌អរិយធម៌ខ្មែរទៅកាន់ប្រទេសជិតខាងតាមរយៈការអប់រំមួយចំនួននៅក្នុងរឿង។ ខណៈពេលនេះផលិតកម្មលោកក៏បានបន្ថែមគំនិតសំខាន់ៗមួយចំនួនដើម្បីជ្រៀតចូលទីផ្សារបរទេសឲ្យបានក្នុងឆ្នាំ២០១៨ ដោយចាប់ផ្ដើមពីរឿង "អន្ទងវិញ្ញាណ" មុនគេ។

ជាមួយក្ដីរំពឹងយ៉ាងមុតមាំ និងភាពជឿជាក់ចំពោះភាពយន្តខ្លួនចាងហ្វាងផលិតកម្មរូបនេះបន្តថា៖" ទីផ្សារខាងក្រៅដែល Wonder Film កំពុងតែសម្លឹង និងស្វែងរកមាន ប្រទេសជិតខាងដូចជា ថៃ មីយ៉ាន់ម៉ា ម៉ាឡេស៊ី ឡាវ និង វៀតណាម ទាំង៥ ប្រទេសនេះហើយ ដែលផលិតកម្មយើងត្រៀមវាយលុកនៅពេលខាងមុខនេះ"។

រឿង "អន្ទងវិញ្ញាណ" ជាខ្សែភាពយន្តខ្មោចលងបន្លាចភ័យរន្ធត់ លាយលំជាមួយឈុតឆាកកំប្លែង និងការអប់រំមួយចំនួន។រឿងនេះនឹងដំណើរការចេញថតនៅថ្ងៃទី ១៤ ខែ ធ្នូ ឆ្នាំ ២០១៧ ចូលរួមសម្ដែងដោយកញ្ញា លីលី លោក សួន រ៉ានីរ៉ាស៊ីនី លោក ភ្លើង ព្រមទាំងតារាសម្ដែងស្រីប្រុសជាច្រើនរូបផ្សេងទៀត៕