អស្ចារ្យណាស់! វត្ថុបុរាណអាយុរាប់ពាន់ឆ្នាំ កប់ក្នុងប្រាសាទតាព្រហ្មបង្ហាញរូបរាង

2017-12-13 08:16:01
ចំនួនមតិ 0 | ចំនួនចែករំលែក 0

ចន្លោះមិនឃើញ

វត្ថុសិល្បៈបុរាណមានអាយុជាងមួយពាន់ឆ្នាំត្រូវបានរកឃើញដោយអាជ្ញាធរជាតិអប្សរានៅក្នុងកំណាយជួសជុលសាលរបាំប្រាសាទតាព្រហ្មកាលពីឆ្នាំ២០១២ នាពេលនេះបានបង្ហាញរូបរាង និងកំពុងបញ្ជូនទៅរក្សាទុកក្រសួងវប្បធម៌ និងវិចិត្រសិល្បៈជាអ្នករក្សាទុកជំនួសវិញ។ វត្ថុបុរាណដែលរកឃើញនោះមានដូចជាសន្លឹកមាស ចិញ្ចៀនមាស និងព្រះពុទ្ធរូប។ ពិធីប្រគល់នេះ ធ្វើឡើងកាលពីរសៀលថ្ងៃទី១២ ខែធ្នូម្សិលមិញ។ នេះបើតាមប្រភពពីអាជ្ញាធរជាតិអប្សរា បានឲ្យដឹងនៅថ្ងៃទី១៣ ខែធ្នូនេះ។

(រូបភាពពីអាជ្ញាធរជាតិអប្សរា)

លោក គង់ វីរៈ បានឱ្យដឹងថា ក្នុងឱកាសមកពិនិត្យទទួលវត្ថុសិល្បៈបុរាណពីអាជ្ញាធរជាតិអប្សរាដែលបានពីការធ្វើកំណាយសិក្សាស្រាវជ្រាវ កំណាយជួសជុលផ្សេងៗនៅក្នុងតំបន់អង្គរកន្លងមកគឺមានដូចជា៖ មកុដមាស ឬភ្នួងសក់មួយ សន្លឹកមាសដែលចារជាយ័ន្តផ្សេងៗសម្រាប់បញ្ចុះនៅតាមបល្ល័ង្កនៅក្នុងប្រាសាទចំនួន ១៦សន្លឹក ចិញ្ចៀនមាស ១វង់ និងព្រះពុទ្ធរូបចំនួន២អង្គ។

លោក អ៊ឹម សុខរិទ្ធី អនុ ប្រធានមជ្ឈមណ្ឌលស្រាវជ្រាវអន្តរជាតិ និងតម្កល់ឯកសារអង្គរ បាន បញ្ជាក់ពីសាវតារបស់វត្ថុសិល្បៈទាំងបីប្រភេទដែលប្រគល់ឱ្យក្រសួងវប្បធម៌ និងវិចិត្រសិល្បៈរួមមាន៖

(រូបភាពពីអាជ្ញាធរជាតិអប្សរា)

ទី១គឺ សន្លឹកមាស និងចិញ្ចៀនមាស១វង់៖ មានអាយុកាលនៅស.វទី៧ ឬទី៨នៃគ.ស ជាវត្ថុបុរាណដែលបានពីការធ្វើកំណាយស្រាវជ្រាវរវាងអាជ្ញាធរជាតិអប្សរា និងសាលាបារាំងចុងបូព៌ា (EFEO) នៅបារាយណ៍ទឹកថ្លាកាលពីដើមឆ្នាំ២០០០ ស្តីអំពីមរតកវប្បធម៌ ការរៀបចំក្រុងមុនសម័យអង្គរ ការរៀបចំកសាងប្រាសាទ ទំនៀមទម្លាប់ និងពិធីផ្សេងៗទាក់ទងនឹងការកសាងប្រាសាទ។

(រូបភាពពីអាជ្ញាធរជាតិអប្សរា)

ទី២គឺ ពិនសម្រាប់លម្អភ្នួងសក់ ឬមកុដនោះ មានអាយុកាលនៅស.វទី១២ អំឡុងពេលកសាងប្រាសាទ គឺបានរកឃើញនៅក្នុងកំណាយជួសជុលសាលរបាំនៅប្រាសាទតាព្រហ្មដោយស្ថាប័នឥណ្ឌា (ASI) សហការជាមួយអាជ្ញាធរជាតិអប្សរា កាលពីខែមីនា ឆ្នាំ២០១២។