បើអ្នកចង់ផ្តិតយកទិដ្ឋភាពផ្កាយពេលយប់ឲ្យបានល្អ គួរជៀសវាងប៉ុន្មានចំនុចនេះ
- 2017-12-14 03:12:15
- ចំនួនមតិ 0 | ចំនួនចែករំលែក 0
បើអ្នកចង់ផ្តិតយកទិដ្ឋភាពផ្កាយពេលយប់ឲ្យបានល្អ គួរជៀសវាងប៉ុន្មានចំនុចនេះ
ចន្លោះមិនឃើញ
ការថតរូបទិដ្ឋភាពផ្កាយពេលយប់ អាចមើលទៅពិបាកបន្តិចសម្រាប់អ្នកថតរូបដំបូង តែធាតុពិតមិនពិបាកទាំងស្រុងនោះទេ ដែលអ្នកអាចធ្វើបានដោយសិក្សាពីចំនុចគួសជៀសវាងពីអ្នកមានបទពិសោធន៍។ លោក Mahmood Alsawaf ជាអ្នកថតរូបទិដ្ឋភាពផ្កាយ ឬធាតុផ្សេងៗលើមេឃពេលយប់ បានចែករំលែកចំនុចគួរជៀសវាង និងការអនុវត្តដ៏ល្អក្នុងការចាប់យករូបភាពប្រភេទ Milky Way ឬ ពន្លឺឆ្នូតផ្កាយ។
១. ការថតរូបទិដ្ឋភាព Milky Way ក្នុងទម្រង់ JPG
អ្នកគួរតែថតដោយប្រើទម្រង់ RAW ព្រោះពេលថតក្នុងទម្រង់ JPG អ្នកនឹងបាត់បង់នូវទិន្នន័យមានសារៈសំខាន់ជាច្រើន ដែលអ្នកត្រូវការពេលកាត់តពេលក្រោយ។
២. ការរៀបចំពេលងងឹត
អ្នកគួរទៅទីតាំងមុនថ្ងៃលិច ជ្រើសរើសទិដ្ឋភាពខាងមុខដ៏ល្អ និងរៀបចំដំឡើងកាមេរ៉ាអ្នក។ អ្នកប្រហែលជាមិនអាចរៀបចំបានត្រឹមត្រូវនោះទេពេលងងឹត។
៣. មិនមានការរៀបចំជាមុន
អ្នកគួរថតចំថ្ងៃដែលគ្មានព្រះចន្ទ និងត្រួតពិនិត្យមើលលក្ខខណ្ឌអាកាសធាតុ និងដំណើរវិវត្តរបស់ព្រះចន្ទ មុនពេលចេញទៅផ្ដិតយករូបភាព។ ពេលអ្នកចេញទៅថតដោយមិនបានគិតគូរជាមុន ពពកក្រាសពេលយប់ ឬព្រះចន្ទពេញលេញ នឹងប៉ះពាល់ដល់ទិដ្ឋភាពផ្កាយ។
៤. ការថតរូបក្នុងតំបន់មានពន្លឺ
អ្នកគួរទៅឲ្យឆ្ងាយពីក្រុង ដើម្បីជៀសវាងពីពន្លឺអំពូលពីក្នុងក្រុង ព្រោះពន្លឺទាំងនោះអាចប៉ះពាល់ដល់ទិដ្ឋភាពផ្កាយអ្នកចង់ថត។
៥. ចំណាយពេលច្រើនពេកជាមួយនឹងឧបករណ៍
អ្នកប្រហែលជាគិតថាការមានត្រឹម DSLR កម្រិតដំបូង ជាមួយនឹង Kit lens មិនអាចថតរូបផ្កាយបានទេ។ តាមពិតមិនមែនដូច្នេះទាំងស្រុងនោះទេ គ្រាន់តែអ្នកប្រើ Settings ឲ្យបានត្រឹមត្រូវទៅនឹងលក្ខណៈទិដ្ឋភាពពេលយប់ ហើយមានចំណេះដឹងខ្លះក្នុងការកាត់ត អ្នកនឹងអាចផលិតបានរូបភាពល្អ។
អ្នកអាចប្រើកាមេរ៉ា DSLR ជាមួយនឹង Wide angle lens។
សម្រាប់ការថតរូបពន្លឺឆ្នូតរបស់ផ្កាយ ដំបូងអ្នកត្រូវចេញពីក្រុង ដើម្បីកុំឲ្យពន្លឺក្នុងក្រុងរំខានដល់ទិដ្ឋភាពផ្កាយ។ អ្នកគួរមានត្រីវិស័យ ប្រសិនបើអ្នកមិនដឹងការកំណត់ទិសដៅ (ជើង ត្បូង លិច និងកើត) ដែលអាចឲ្យអ្នកទទួលបានរូបរាងផ្សេងគ្នាសម្រាប់ផ្លូវរបស់ពន្លឺឆ្នូតផ្កាយ។ ឧទាហរណ៍ ប្រសិនបើកាមេរ៉ាបែរមុខទៅជើង អ្នកនឹងទទួលបានផ្លូវពន្លឺឆ្នូតរបស់ផ្កាយជារង្វង់បែបនេះ។
រូបមន្ត ៥០០ មានសារៈសំខាន់ណាស់ ពេលថតទិដ្ឋភាព Milky Way ដែលអាចឲ្យអ្នកជៀសវាងនូវការកើតឡើងនូវពន្លឺឆ្នូតរបស់ផ្កាយ ពេល Focal length មិនត្រូវសមាមាត្រទៅនឹងរយៈពេល Shutter speed អ្នកប្រើ។
ប្រសិនបើកាមេរ៉ាអ្នកមានកត្តាតម្រឹម គួរបញ្ចូលក្នុងការគណនា។ កាមេរ៉ា Canon មួយចំនួនមានកត្តាតម្រឹម 1.6 ដូច្នេះធ្វើបែបនេះ។
មួយវិញទៀត អ្នកអាចប្រើកម្មវិធី Star walk និង Stellarium ដើម្បីជំនួយក្នុងការរៀបចំទាំងពេលវេលា និងទីតាំង ក្នុងការថតទិដ្ឋភាពផ្កាយ ឬ Milky Way របស់អ្នក៕
ប្រភព៖ https://snapshot.canon-asia.com/article/en/astrophotography-what-to-avoid-when-shooting-stars
ទទួលបានព័ត៌មានថ្មីៗ គន្លឹះមានប្រយោជន៍រួមទាំងចំណេះដឹងផ្សេងៗពីបច្ចេកវិទ្យា Like Page Sabay News Technology...
អានអត្ថបទ