YouTube បង្ហាញលទ្ធផល MV មានចំនួនអ្នកចូលមើលច្រើនជាងគេឆ្នាំ២០១៧

2017-12-13 23:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

បទចម្រៀងកូរ៉េណាខ្លះមានចំនួនអ្នកចូលមើលនិងប៉ុស្តិ៍ដែលមានអ្នកចូលរួមក្រៅពីប្រទេសកូរ៉េច្រើនជាងគេលើ YouTubeក្នុងឆ្នាំ២០១៧?

ក្រោយពីចំនួនស្ថិតិបានបង្ហាញកាលពីសប្ដាហ៍មុនសម្រាប់វីដេអូដែលមានប្រជាប្រិយជាងគេនៅប្រទេសកូរ៉េនោះ ឥឡូវនេះ YouTubeបានបង្ហាញស្ថិតិជាអន្តជាតិម្ដង។

ចំណាត់ថ្នាក់នៃបញ្ជីបទចម្រៀងកូរ៉េដែលទទួលបានការចូលមើលច្រើនជាងគេនៅក្នុងតំបន់ក្រៅពីប្រទេសកូរ៉េត្រូវបានរៀបតាមលំដាប់គិតពីថ្ងៃទី២៤ ខែវិច្ឆិកា ឆ្នាំ២០១៦ រហូតដល់ថ្ងៃទី២៣ ខែវិច្ឆិកា ឆ្នាំ២០១៧។

បទចម្រៀង “As If It’s Your Last” របស់ក្រុម BLACKPINK បានជាប់ចំណាត់ថ្នាក់លេខ១ជាបទចម្រៀងដែលមានអ្នកទស្សនាក្រៅស្រុកច្រើនជាងគេ ខណៈក្រុម BTS ទទួលបានចំណាត់ថ្នាក់លេខ២ បទចម្រៀងដែលមានចំណងជើងថា “DNA”, ចំណាត់ថ្នាក់លេខ ៣ បទ “Not Today” និងលេខ៥ បទ“Spring Day”។ បទ “Knock Knock” និង “Signal” របស់ក្រុម TWICE ជាប់ចំណាត់ថ្នាក់លេខ៤ និង៦។ ចំណែកបទ “FXXK IT” របស់ក្រុម BIGBANG ជាប់លេខ៧។ បទ “Stay with Me” របស់ Chanyeol និង Punch ជាប់ចំណាត់ថ្នាក់លេខ៨។ ក្រុម EXO បទ “Ko Ko Bop” ជាប់លេខ ៩ និងចុងបញ្ចប់បទ “New Face” របស់ PSY ជាប់ចំណាត់ថ្នាក់លេខ ១០។

YouTube ក៏បានបង្ហាញពីប៉ុស្តិ៍បទចម្រៀងកូរ៉េដែលទទួលបានអ្នកចូលរួមក្រៅស្រុកច្រើនជាងគេផងដែរ។

ibighit ជា Channel ផ្លូវការរបស់ផលិតកម្ម Big Hit Entertainmen បានជាប់ចំណាត់ថ្នាក់លេខ១ ដែលទទួលបានការកើនឡើងអ្នកចូលរួមចំនួន ៦៦ភាគរយក្នុងឆ្នាំនេះ ហើយ៩៦ភាគរយនៃចំនួនអ្នកចូលរួមទាំងអស់មិនមែនជាជនជាតិកូរ៉េ។

Channel ផ្ទាល់ខ្លួនរបស់ក្រុម BLACKPINK ស្ថិតក្នុងលេខរៀងទី២, ក្រុម BIGBANG លេខ ៦, PSY លេខ៧, ក្រុម KARD លេខ៩ និងក្រុម GOT7 ទទួលចំណាត់ថ្នាក់លេខ ១០។

Channel របស់ផលិតកម្ម SM Entertainment ទទួលបានលេខ៤, ផលិតកម្ម JYP Entertainment ឈរលើលេខរៀងទី៥ ខណៈ 1theK និង CJ E&M Music ស្ថិតក្នុងលេខរៀងទី ៣ និង ៨៕

ប្រភព៖ Soompi ប្រែសម្រួល៖ អន សុភក្ត្រា