Chevrolet ZR1 ថ្លៃជាង ១២ មុឺនដុល្លារ តែកុំមើលកម្លាំងម៉ាស៊ីនឲ្យសោះ

2017-12-14 01:35:08
ចំនួនមតិ 0 | ចំនួនចែករំលែក 0

ចន្លោះមិនឃើញ

រថយន្ត Chevrolet Corvette ZR1 សេរ៊ីឆ្នាំ ២០១៩ បានបំពាក់នូវម៉ាស៊ីន Supercharged V8 ចំណុះ ៦.២ លីត្រ ផលិតកម្លាំង ៧៥៥ សេះ និងមានល្បឿនអតិបរមា ៣៤១ គ.ម/ម៉។ កម្លាំងប៉ុននេះ Hennessey ហាក់មិនទាន់ត្រូវចិត្តនៅឡើយ ក្រុមហ៊ុនមានគម្រោងក្នុងការអាប់ដែតកញ្ចប់ម៉ាស៊ីនឲ្យកាន់តែខ្លាំងជាងមុន។

រូបតំណាងរថយន្ត Chevrolet Corvette ZR1

ស៊េរីទាបបំផុតឲ្យឈ្មោះ **HPE850** នឹងបង្កើនកម្លាំងដល់ ៨៥០ សេះ ជួយឲ្យរថយន្តស្ទុះពីល្បឿន ០ ទៅ ១០០ គ.ម/ម៉ ប្រើពេល ២.៦ វិនាទី មុនឡើងដល់ល្បឿន ២៨១ គ.ម/ម៉ នៅវិនាទីទី ១០.៣។ ប្រភេទកញ្ចប់ផ្សេងទៀត **HPE1000** អាចផលិតកម្លាំងដល់ ១ ពាន់សេះ ដែលជួយឲ្យរថយន្តស្ទុះពីល្បឿន ០ ទៅ ១០០ គ.ម/ម៉ ប្រើពេលត្រឹម ២.២ វិនាទី ខណៈល្បឿនអតិបរមាអាចឡើងដល់ ៣៥៥ គ.ម/ម៉។ កញ្ចប់ចុងក្រោយ **HPE1200** អាចផលិតបានកម្លាំង ១ ២០០ សេះ ដែលជួយឲ្យ ZR1 បង្កើនល្បឿនអតិបរមាកាន់តែខ្ពស់ដល់ទៅ ៣៧០ គ.ម/ម៉ ឯណោះ។

ចំពោះតម្លៃរថយន្ត ZR1 ប្រភេទធម្មតា ចាប់ផ្ដើមពី ១១៩ ៩៩៥ ដុល្លារ (ក្រៅប្រទេស) និងកញ្ចប់អាប់ដែតចន្លោះពី ១២៣ ៩៩៥ ឡើងទៅ។ ត្រឹម Corvette ZR1 មិនទាន់ជារថយន្តលឿនបំផុតរបស់ Henneseey នោះទេ ខណៈមានការលេចឮម៉ូដែលថ្មី Venom F5 ដែលអាចផលិតកម្លាំងបាន ១ ៦០០ សេះ ហើយល្បឿនអតិបរមាអាចឡើងដល់ ៤៨២ គ.ម/ម៉ អាចផ្តួលកំណត់ត្រារថយន្តល្បឿនលឿនបំផុតនាពេលបច្ចុប្បន្នបាន។ ចំពោះតម្លៃប្រហែល ១.៦ លានដុល្លារ ហើយចូលចង្វាក់ផលិតកម្មនាឆ្នាំ ២០១៩។