កីឡាករអាល្លឺម៉ង់ម្នាក់ៗនឹងបានប្រាក់រាប់សែនអឺរ៉ូ បើជួយប្រទេសឲ្យឈ្នះ World Cup ឆ្នាំក្រោយ
- 2017-12-13 14:56:23
- ចំនួនមតិ 0 | ចំនួនចែករំលែក 0
កីឡាករអាល្លឺម៉ង់ម្នាក់ៗនឹងបានប្រាក់រាប់សែនអឺរ៉ូ បើជួយប្រទេសឲ្យឈ្នះ World Cup ឆ្នាំក្រោយ
ចន្លោះមិនឃើញ
សហព័ន្ធបាល់ទាត់អាល្លឺម៉ង់បានប្រកាសថា កីឡាករម្នាក់ៗនឹងទទួលបានប្រាក់លើកទឹកចិត្តបន្ថែមចំនួន ៣៥០០០០ អឺរ៉ូ បើសិនជាអាចជួយអាល្លឺម៉ង់ឈ្នះ World Cup ឆ្នាំក្រោយនៅរុស្ស៊ីបាន។
ទឹកប្រាក់ចំនួន ៣៥ ម៊ឺនអឺរ៉ូ នឹងត្រូវបានផ្ដល់ដល់កីឡាករ បើសិនជាអាចជួយក្រុមជម្រើសជាតិខ្លួនឲ្យបន្តរក្សាពានជើងឯកពិភពលោក World Cup នៅឆ្នាំក្រោយ។ ទោះជាយ៉ាងណា សហព័ន្ធបាល់ទាត់ប្រទេសអឺរ៉ុបមួយនេះ បានគូសបញ្ជាក់ទៀតថា បើឈ្នះត្រឹមជើងឯករង នឹងទទួលបានម្នាក់ចំនួន ២០ម៊ឺនអឺរ៉ូ។ បើលេងបានត្រឹមវគ្គពាក់កណ្ដាលផ្ដាច់ព្រ័ត្របាន ១២៥០០០ អឺរ៉ូ និងបើបានត្រឹមវគ្គ ៨ក្រុមចុងក្រោយនឹងទទួលបាន ៧៥០០០ អឺរ៉ូ។
ប្រធានសហព័ន្ធ Reinhard Grindel បាននិយាយថា៖ ការផ្ដល់ប្រាក់លើកទឹកចិត្ត គឺជាការជំរុញមួយយ៉ាងធំសម្រាប់កីឡាករយើង ដើម្បីធ្វើឲ្យពួកគេខិតខំធ្វើការលេងឲ្យអស់ពីសមត្ថភាព ដើម្បីឈ្នះ World Cup ពីរដងជាប់គ្នា ជាលើកដំបូងក្នុងប្រវត្តិសាស្ត្របាល់ទាត់អាល្លឺម៉ង់"។ លោកបន្តទៀតថា៖ "ទោះជាយ៉ាងណា ពួកយើងដឹងថា វានឹងមានការលំបាក ព្រោះមានក្រុមខ្លាំងៗច្រើនណាស់ក្នុង World Cup លើកនេះ"។
សូមបញ្ជាក់ផងដែរថា អាល្លឺម៉ង់បានលើកពាន World Cup កាលពីឆ្នាំ ២០១៤ បន្ទាប់ពីយកឈ្នះអាហ្សង់ទីនក្នុងលទ្ធផល ១ ទល់នឹង ០៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
