ប្រុសសង្ហា Louis Scott បង្ហើបពីរឿងរៀបការជាមួយមិត្តស្រីចាស់វស្សា
- 2017-12-14 02:06:01
- ចំនួនមតិ 0 | ចំនួនចែករំលែក 0
ប្រុសសង្ហា Louis Scott បង្ហើបពីរឿងរៀបការជាមួយមិត្តស្រីចាស់វស្សា
ចន្លោះមិនឃើញ
តារាសម្ដែងល្បីឈ្មោះម្នាក់ដែរប្រចាំប្រទេសថៃ Louis Scott បានភ្ជាប់ទំនាក់ទំនងស្នេហាជាមួយមិត្តស្រី Noon Ramida អស់រយៈពេលជាង ១០ឆ្នាំមកហើយ ប៉ុន្តែពួកគេមិនដែលទម្លាយពីរឿងរៀបការសោះ។
ជាក់ស្ដែងថ្មីៗនេះ តារាសម្ដែងប្រុសរូបនេះស្រាប់តែនិយាយពីរឿងលោក និងមិត្តស្រីទាក់ទងនឹងដំណឹងរៀបការ។ Louis បាននិយាយថា លោកនឹងមិនមានគម្រោងរៀបការជាមួយ Noon នៅឆ្នាំនេះ ឫឆ្នាំក្រោយនោះទេ។ ការពិតលោក និងគូស្នេហ៍ធ្លាប់បានពិភាក្សាគ្នាពីរឿងនេះដែរ តែចំពោះកាលបរិច្ឆេទថ្ងៃមង្គលជ័យជាក់លាក់នោះ គឺមិនទាន់ច្បាស់ឡើយ។
ប្រុសសង្ហាអាយុ ៣៥ឆ្នាំរូបនេះ បានបន្តថា គូស្នេហ៍នីមួយៗ សម្រេចរៀបការ អាស្រ័យលើជម្រើសរៀងៗខ្លួន។ វាមិនផ្អែកលើអាកាសធាតុ ប្រាក់កាស ផ្ទះ ឫអ្វីផ្សេងនោះទេ។ កត្តាដែលសំខាន់នោះ គឺមនុស្ស ២នាក់ព្រមដើរផ្លូវសុភមង្គលជាមួយគ្នា ដោយមិនគិតពីអ្វីទាំងអស់ សំខាន់សាមីខ្លួនទាំងសងខាងយល់ចិត្តគ្នា។ ចំណែកគូស្នេហ៍លោកវិញ នឹងរៀបការ នៅពេលណាដែលចង់រៀបការ៕