ជប៉ុន នឹងយកមនុស្សយន្តស្វាគមន៍ អត្តពលិកចូលរួមកីឡាអូឡាំពិក

2017-12-14 23:10:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ភ្ញៀវអន្តរជាតិនិងអត្តពលិកដែលចូលរួមកីឡាអូឡាំពិកឆ្នាំ ២០២០ នៅទីក្រុង Tokyo នឹងប្លែកភ្នែកមិនខាន ពេលមកដល់អាកាសយានដ្ឋានប្រទេសជប៉ុន ដោយមានការស្វាគមន៍ពីមនុស្សយន្តគួរឲ្យស្រលាញ់។

តាមការប្រកាសព័ត៌មានជាសាធារណៈ ជប៉ុននឹងប្រើមនុស្សយន្តចំនួន ៧ ប្រភេទផ្សេងគ្នា ដែលអាច និយាយបាន ៤ ភាសា ដើម្បីស្វាគមន៍អត្តពលិកមកចូលរួមកីឡាអូឡាំពិកទីក្រុងតូក្យូនៅឆ្នាំ ២០២០។

លោក Yutaka Kuratomi បានថ្លែងប្រាប់សារព័ត៌មាន AFP “ពួកយើងចង់ឲ្យភ្ញៀវអន្តរជាតិគិតថាជនជាតិជប៉ុនពិតជាអស្ចារ្យណាស់ ជាមួយការបង្ហាញពីបច្ចេកវិទ្យាថ្មីក្នុងការស្វាគមន៍កីឡាអូឡាំពិកខាងមុខ"។

អ្នកដំណើរអាចប្រាស្រ័យទាក់ទង តាមរយៈការលើកមីក្រូហ្វូនមកនិយាយ នោះវានឹងបកប្រែភាសាដែលបានស្ដាប់តាមរយៈអេក្រង់បង្ហាញព័ត៌មាន។ មានទាំងប្រភេទមនុស្សយន្តជួយជញ្ជូនឥវ៉ាន់ភ្ញៀវ, មនុស្សយន្តប្រើប្រព័ន្ធ AI ឲ្យទិសដៅទៅភ្ញៀវ និងមនុស្សយន្តជួយចាត់ចែងការងារទូទៅជាដើម។

អាកាសយានដ្ឋាន Heneda នឹងទទួលបានការកើនឡើងអ្នកដំណើរក្នុងព្រឹត្តិការណ៍នោះ ហើយរំពឹងថាមនុស្សយន្តនឹងជួយសម្រាលការងារបានច្រើនជំនួសកង្វះខាតបុគ្គលិក។

ជប៉ុនត្រៀមឲ្យប្រើប្រាស់សាកល្បងចាប់ពីថ្ងៃទី ៩ មករា ឆ្នាំក្រោយតទៅ។