ក្ដៅៗ! ចាប់បានទឹកម្ទេស-សៀង-ស៊ីអ៊ីវ គ្មានគុណភាពជាង៩០តោន
- 2017-12-14 04:42:39
- ចំនួនមតិ 0 | ចំនួនចែករំលែក 0
ក្ដៅៗ! ចាប់បានទឹកម្ទេស-សៀង-ស៊ីអ៊ីវ គ្មានគុណភាពជាង៩០តោន
ចន្លោះមិនឃើញ
កម្លាំងប្រតិបត្តិការពិសេសនៃគណៈកម្មាធិការប្រយុទ្ធប្រឆាំងផលិតផលក្លែងក្លាយ បានធ្វើការបង្ក្រាបនៅទីតាំងសិប្បកម្មមួយកន្លែង យីហោ "សិប្បកម្មភ្នំមាស" ដែលមានផលិតទឹកត្រី ទឹកម្ទេស ទឹកសៀង ទឹកខ្មេះ ទឹកក្បុង និងទឹកស៊ីអ៊ីវចំនួនជាង៩០តោន ស្ថិតនៅភូមិគោរដ្ឋាន សង្កាត់អូរអំបិល ក្រុងសិរីសោភ័ណ ខេត្តបន្ទាយមានជ័យ កាលពីថ្ងៃទី១៣ ខែធ្នូ ឆ្នាំ២០១៧។
កម្លាំងប្រតិបត្តិការពិសេស ដែលដឹកនាំដោយលោកឧត្ដមសេនីយ៍ត្រី ទូច យុទ្ធា និងលោកឧត្តមសេនីយ៍ ទូច គង្គា ប្រធានអនុប្រធានក្រុមប្រតិបត្តិការពិសេស បានរកឃើញសារធាតុគីមី ត្រូវបានប្រើប្រាស់ក្នុងផលិតផលខាងលើ ដែលអាចធ្វើឲ្យប៉ះពាល់ដល់សុខភាពប្រជាជន ដែលជាអ្នកបរិភោគ ធ្ងន់ធ្ងរបំផុត។
សមត្ថកិច្ចបានឲ្យដឹងថា ក្នុងមួយថ្ងៃ "សិប្បកម្មភ្នំមាស" ផលិត ទឹកត្រី ទឹកម្ទេស ទឹកសៀង ទឹកខ្មេះ ទឹកក្បុង និងទឹកស៊ីអ៊ីវ ប្រមាណពី ១៥០០០ ទៅ ២០០០០ ដប សម្រាប់ចែកចាយក្នុងខេត្តបន្ទាយមានជ័យ និងខេត្តសៀមរាប។ ការពិនិត្យជាបឋមឃើញថាផលិតខុសស្តង់ដារ៖ ទី១- ប្រើប្រាស់សញ្ញា ISC (Institute Standard Cambodia) ក្លែងក្លាយ។ ទី២- ការវេចខ្ចប់ពុំមានលក្ខណៈបច្ចេកទេសត្រឹមត្រូវ ទី៣- មិនបានចុះបញ្ជីផលិតផល (ចបផ) និងទី៤- លើកស្លាកយីហោសិប្បកម្មមិនបានតាមការកំណត់របស់ច្បាប់ ស្តីពីការគ្រប់គ្រងរោងចក្រ និងសិប្បកម្ម៕