ខ្មែរមួយប្រទេសត្រូវដឹង! ថ្ងៃនេះឆ្នាំ១៩៩២ តំបន់អង្គរក្លាយជាសម្បត្តិពិភពលោក
- 2017-12-14 07:54:28
- ចំនួនមតិ 0 | ចំនួនចែករំលែក 0
ខ្មែរមួយប្រទេសត្រូវដឹង! ថ្ងៃនេះឆ្នាំ១៩៩២ តំបន់អង្គរក្លាយជាសម្បត្តិពិភពលោក
ចន្លោះមិនឃើញ
ថ្ងៃទី១៤ ខែធ្នូ ឆ្នាំ២០១៧ ជាខួបលើកទី២៥ឆ្នាំ នៃការដាក់បញ្ចូលតំបន់ឧទ្យានអង្គរ ជាសម្បត្តិបេតិកភណ្ឌពិភពលោក។ តំបន់ឧទ្យាននេះ ត្រូវបានអង្គការយូណេស្កូសម្រេចចុះក្នុងបញ្ជីសម្បត្តិបេតិកភណ្ឌពិភពលោកកាលពីថ្ងៃទី១៤ ខែធ្នូ ឆ្នាំ១៩៩២កន្លង។
តំបន់ឧទ្យានអង្គរ មិនមែនសំដៅតែទៅលើប្រាសាទអង្គរវត្តតែមួយនោះទេ តែសំដៅលើរមណីយដ្ឋានអង្គរទាំងមូល ក្នុងនោះរួមបញ្ចូលទាំងប្រាសាទ បុរាណដ្ឋាន ស្ថានីយបុរាណវិទ្យា បរិស្ថាន និងសហគមន៍មនុស្សផងដែរ ដែលមានផ្ទៃក្រឡាសរុប ៤០១គីឡូម៉ែត្រក្រឡា។ ប្រាសាទអង្គរ គ្រាន់តែជាផ្នែកមួយ ក្នុងចំណោមប្រាសាទជិត១០០ផ្សេងទៀត ដែលត្រូវបានចុះក្នុងបញ្ជីប៉ុណ្ណោះ។
ក្រៅពីការផ្ដល់នូវមោទនភាពដ៏ខ្ពង់ខ្ពស់ដល់ជនជាតិខ្មែរ ប្រាសាទអង្គរវត្តក៏បានចូលរួមចំណែកយ៉ាងច្រើនក្នុងការបង្កើនប្រាក់ចំណូល និងជំរុញកំណើនសេដ្ឋកិច្ចជាតិ តាមរយៈកេរ្តិ៍ឈ្មោះល្បីល្បាញ ដែលបានទាក់ទាញភ្ញៀវទេសចរណ៍ ទាំងជាតិ និងអន្តរជាតិ ចូលមកទស្សនាជាច្រើនសន្ធឹកសន្ធាប់ ជារៀងរាល់ថ្ងៃ៕