ទាយអត្តចរិតតាមរយៈចំណូលចិត្តអានសៀវភៅ បង្ហាញពីចំណុចខ្លាំងរបស់អ្នក
- 2017-12-15 01:00:00
- ចំនួនមតិ 0 | ចំនួនចែករំលែក 0
ទាយអត្តចរិតតាមរយៈចំណូលចិត្តអានសៀវភៅ បង្ហាញពីចំណុចខ្លាំងរបស់អ្នក
ចន្លោះមិនឃើញ
ប្រភេទសៀវភៅដែលអ្នកចូលចិត្តអានក៏អាចទស្សន៍ទាយថាអ្នកជាមនុស្សបែបណា និងមានចំណុចលេចធ្លោនៅក្នុងការរស់នៅប្រចាំថ្ងៃផងដែរ។ ចង់ដឹងថា អត្តចរិតរបស់អ្នកបែបណា តោះអានអត្ថបទខាងក្រោមនេះតិចមើល៍៖
១. សៀវភៅប្រលោមលោក
អ្នកជាមនុស្សស្រមើលស្រមៃច្រើន អ្នកមានជំនឿថាមានជីវិតត្រូវតែតស៊ូ បើធ្វើការលើកនេះមិនបានសម្រេច ក៏នៅមានផ្លូវផ្សេងទៀតដែលអាចឲ្យសម្រេចផលបាន។ អ្នកប្រកាន់ទស្សនៈថា បរាជ័យគឺជាចំណុចចាប់ផ្តើមសំរាប់ ឈានទៅរកភាពជោគជ័យ។ ចំណុចលេចធ្លោរបស់អ្នក ជាមនុស្សសុទិដ្ឋិនិយម និងមិនរុញរាក្នុងជីវិត។
២. សៀវភៅសំណើច ឬកំប្លែង
អ្នកជាមនុស្សមិនចូលចិត្តគិតច្រើន ឬតប់ប្រមល់អារម្មណ៍ តានតឹងនាំឲ្យជីវិតកើតទុក្ខនោះទេ។ អ្នកជាមនុស្សសុទិដ្ឋិនិយម អ្នកយល់ថានៅលើលោកនេះនៅមានរឿងល្អៗជាច្រើនទៀត ដែលអ្នកអាចស្រវាចាប់យក សំរាប់សុភមង្គលបាន មិនចាំបាច់រស់នៅលើគំនរទុក្ខឡើយ។ ចំណុចលេចធ្លោរបស់អ្នក ជាមនុស្សចូលចិត្តសប្បាយៗ មើលអ្វីៗក្នុងផ្លូវល្អ។
២. សៀវភៅកំណាព្យ
អ្នកជាមនុស្សរ៉ូមែនទិកដែលមានចិត្តស្រឡាញ់ធម្មជាតិ និងសត្វអ្នកច្រើនតែធ្វើតាមអារម្មណ៍របស់ខ្លួនឯង និងមិនចូលចិត្តឲ្យគេបង្ខំ ទោះបីជារឿងនោះវាផ្តល់ផលមកវិញយ៉ាងម៉េចក៏ដោយ អ្នកច្រើនតែធ្វើការដោយក្តីស្រឡាញ់ជាចម្បង។ ចំណុចលេចធ្លោរបស់អ្នក អ្នកជាមនុស្សដែលស្រឡាញ់ធម្មជាតិ។
៣. សៀវភៅប្រវត្តិសាស្ត្រ
ប្រសិនបើមាននរណាម្នាក់ចង់ជជែកជាមួយអ្នកឲ្យស៊ីចង្វាក់គឺមិនត្រូវនិយាយពីរឿងណាដែលអត់ប្រយាជន៍នោះទេ ប៉ុន្តែត្រូវនិយាយរឿងណាដែលមានហេតុផល ហើយមានអត្ថន័យព្រោះអ្នកជាមនុស្សនិយាយអ្វីគឺនិយាយតែរឿងសាច់ការ ដូច្នេះបានជាអ្នកមិនសូវចាប់អារម្មណ៍រឿងផឹកស៊ីពិធីជប់លៀងប៉ុន្មានទេ។ ចំណុចលេចធ្លោរបស់អ្នក អ្នកជាមនុស្សដែលចូលចិត្តធ្វើការជាដុំកំភួន។
៤. សៀវភៅជំនួញ ឬពាណិជ្ជកម្ម
អ្នកជាមនុស្សក្បាលរឹង ដែលមើលទៅដូចជាអង្គុយលើចង្អេរលើកខ្លួនឯង ប៉ុន្តែតាមពិតទៅអ្នកចង់ឲ្យគេដឹងថាខ្លួនឯងល្អ ឃើញមានជំនឿដោយខ្លួនឯងខ្ពស់ ពេលខ្លះអាចសម្តែងចេញមកដោយភ្លេចគិតថា វាអាចប៉ះពាល់ ទង្គិចចិត្តពេក ប៉ុន្តែបើគេយល់ពីចិត្តអ្នក គេនឹងដឹងថាអ្នកជាមនុស្សដែលធ្វើការបានល្អនូវអ្វីដែលអ្នកដទៃមិនហ៊ានធ្វើ។ ចំណុចលេចធ្លោរបស់អ្នក ជាមនុស្សចូលចិត្តប្រកួតប្រជែងនៅពីលើគេ។
៥. សៀវភៅវិទ្យាសាស្ត្រ អ្នកជាមនុស្សរហ័សរហួនមានគំនិតផ្តួចផ្តើមកែច្នៃថ្មីៗទោះបើមានបញ្ហាមួយចំនួនដែលនៅឆ្ងាយហួសពីការគិតក៏ដោយក៏ព្យាយាមខិតខំធ្វើឲ្យបាន។ ដូច្នេះហើយបានជាការងារផ្សេងៗត្រូវពឹងពាក់ទៅលើបច្ចេកវិទ្យាឧបករណ៍ទំនើប និងគំនិតដែលទាន់សម័យហេតុការណ៍។ ចំណុចលេចធ្លោរបស់អ្នក ជាមនុស្សដែលមានគំនិតផ្តួចផ្តើម និងចូលចិត្តបច្ចេកវិទ្យាថ្មីៗ៕
ប្រភព៖ Fortune Teller Khmer