ស្ថាបនិកលាក់មុខរបស់កាក់ Bitcoin អាចនឹងក្លាយជាសេដ្ឋីទ្រីលានដុល្លារដំបូងគេក្នុងលោក
- 2017-12-14 11:52:24
- ចំនួនមតិ 0 | ចំនួនចែករំលែក 0
ស្ថាបនិកលាក់មុខរបស់កាក់ Bitcoin អាចនឹងក្លាយជាសេដ្ឋីទ្រីលានដុល្លារដំបូងគេក្នុងលោក
ចន្លោះមិនឃើញ
សាតូស្ស៊ី ណាកាម៉ូតុ (Satoshi Nakamoto) ដែលគ្រប់គ្នាស្គាល់ថាជាបុរសអាថ៌កំបាំងនៅពីក្រោយការបង្កើតកាក់មាស Bitcoin អាចក្លាយជាសេដ្ឋីទ្រីលានដុល្លារដំបូងគេក្នុងលោកដោយអាចនាំមុខមហាសេដ្ឋប៊ីលានដុល្លារលោក Bill Gate និងJeff Bezos ។
ជាមួយនឹងតម្លៃហក់ឡើងឥតឈប់ឈររបស់រូបិយប័ណ្ឌឌីជីថល Bitcoin អាចធ្វើឱ្យទ្រព្យសម្បតិ្តរបស់លោក ណាកាម៉ូតុដែលបច្ចុប្បន្នមាន ១៧ ប៊ីលានដុល្លាររួចជាស្រេចអាចនឹងក្លាយជាសេដ្ឋីទ្រីលានដុល្លារ ។ តម្លៃនៃរូបិយប័ណ្ឌឌីជីថលមានតម្លៃថ្លៃជាងគេក្នុងលោក Bitcoin បានកើនដល់តម្លៃ ១ ៨០០ ដុល្លារក្នុង១ Bitcoin ឆ្នាំ ២០១៧ នេះខណៈកាលពីសប្តាហ៍មុនវាបានឡើងដល់ ១៩ ០០០ ដុល្លារលើកដំបូង។ ជាមួយតម្លៃក្នុងទីផ្សារជាង ២៨៨ ប៊ីលានដុល្លារ រូបិយប័ណ្ឌបានជួញដូរក្នុងតម្លៃ ១៧ ២៥៤ ដុល្លារកាលពីថ្ងៃពុធម្សិលមិញនេះ ។
យោងតាមសេចក្តីរាយការណ៍ឱ្យដឹងថាបុរសជនជាតិជប៉ុនវ័យ ៤២ឆ្នាំ ណាកាម៉ូតុត្រូវបានគេជឿជាក់ថាមានកាក់ Bitcoin ជិត ១ លានកាក់ក្នុងដៃហើយលោកមិនដែលចំណាយសូម្បីតែមួយកាក់ ។ អត្តសញ្ញាណរបស់ ណាកាម៉ូតុដែលជាឈ្មោះមិនពិតប្រាកដសម្រាប់អ្នកបានបង្កើត Bitcoin កាលពី៩ឆ្នាំមុននៅតែជារឿងអាថ៌កំបាំងដដែល ។
ខណៈមកទល់ពេលបច្ចុប្បន្ននេះគ្មានអ្នកណាដឹងថា ណាកាម៉ូតុជានរណានោះទេហើយឈ្មោះបានបង្ហាញលើឯកសារដើមដែលបានស្នើសុំសាច់ប្រាក់តាមប្រព័ន្ធអេឡិចត្រូនិកមានឈ្មោះ សាតូស្ស៊ី ណាកាម៉ូតុ ។ គិតមកទល់ពេលនេះមានមនុស្ស៤នាក់ហើយដែលត្រូវបានដាក់ឈ្មោះ ឬដាក់ឈ្មោះខ្លួនឯងជា សាតុស្ស៊ី ណាកាម៉ូតុ ។ កាលពីបីឆ្នាំមុនវិបសាយ Newsweek ផ្សាយថា បុរសវ័យ ៦៤ ឆ្នាំដើមកំណើតជប៉ុនជនជាតិអាមេរិករស់នៅរដ្ឋ កាលីហ្វ័រញ៉ាឈ្មោះ Dorian Satoshi Nakamoto អាចជាអ្នកនៅពីក្រោយការបង្កើត Bitcoin តែរូបលោកបានបដិសេធន៍នឹងការចុះផ្សាយទៅវិញ ។
កាលពីឆ្នាំមុនសហគ្រិនអូស្ត្រាលីម្នាក់លោក Craig Wright បានអះអាងថាលោកជាស្ថានិក Bitcoin តែការអះអាងដូច្នេះបានក្លាយជារឿងគួរឱ្យសង្ស័យទៅវិញ ។ ដោយឡែកកាលពីខែមុនមហាសេដ្ឋីបច្ចេកវិទ្យា Elon Musk បានច្រានចោលរាល់ពាក្យចចាមអារ៉ាមទាំងឡាយណាដែលនិយាយថា រូបលោកគឺជាស្ថានិកអាថ៌កំបាំងរបស់ Bitcoin ក្រោយពីអតីតអ្នកហាត់ការនៅក្រុមហ៊ុន SpaceX របស់លោកបានលើកឡើងថា satoshi ប្រហែលជា Elon ព្រោះការយល់ដឹងស៊ីជម្រៅរបស់លោកផ្នែកសេដ្ឋកិច្ច និងភាសាកូដហើយការពិតលោកគឺជា មនុស្សចេះច្រើនភាសា ៕
ចុចអាន៖
លក់ដាច់ពេក Apple ជះលុយបន្ថែម បង្កើតខ្សែសង្វាក់ផ្គត់ផ្គង់គ្រឿងបង្គំថ្មីសម្រាប់ iPhone X
Lightroom អាប់ដេតមុខងារថ្មី ត្រឹម 1-Click កែរូបម៉ាពេញចិត្ត