ចាំមើល ឡុង សុភី ធ្វើបានល្អទៀតអត់សប្ដាហ៍នេះប៉ះជើងខ្លាំងថៃធ្លាប់ឈ្នះ ឡៅ ចន្រ្ទា?

2017-12-15 02:38:15
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រដាល់គុនខ្មែរសប្ដាហ៍នេះកក្រើកទៀតហើយ អ្នកលេងជង្គង់របស់កម្ពុជា ឡុង សុភី នឹងត្រូវតតាំងជាមួយជើងខ្លាំងឆ្លងដែនពីថៃ Fasurak ដែលកីឡាករម្នាក់នេះហើយធ្លាប់ឈ្នះ ឡៅ ចន្រ្ទា នាពេលកន្លងមក។

ឡុង សុភី ក្នុងកម្មវិធីគុនខ្មែរអន្តរជាតិ

បើតាមការឲ្យដឹងពីកីឡាករថៃ Fasurak លើកឡើងថា សម្រាប់ការមកប្រកួតនៅកម្ពុជានេះ គេមិនសូវជាស្គាល់ជើងខ្លាំងនៅទីនេះទេ ហើយបើសួរថាចង់ជួបអ្នកប្រដាល់ជួរមុខម្នាក់ណានោះទៀតក៏មិនដែរ តែអាស្រ័យលើអ្នករៀបចំការប្រកួត បើឲ្យជួបកីឡាករណាខ្លួននឹងប្រកួតជាមួយម្នាក់នោះ។ ការជួបប្រកួតជាមួយនរណាក៏បានដែរ គ្រាន់តែសុំពេលវេលាសម្រាប់ហ្វឹកហាត់គ្រប់គ្រាន់ទៅបានហើយ ព្រោះអីរូបគេមានបទពិសោធជោកជាំហើយលើសង្វៀននៅស្រុកថៃ មិនថាប៉ះជាមួយជើងខ្លាំង ឬខ្សោយនោះទេ។

ឡុង សុភី ពេលផ្ដួល មៀច សុខរ៉ា

ឡុង សុភី ១០ប្រកួតចុងក្រោយនេះគេធ្វើបានល្អមែនទែនឈ្នះស្ទើរទាំងអស់ ដែលមានការចាប់អារម្មណ៍ជាខ្លាំងពីសំណាក់អ្នកនិយមគុនខ្មែរ។ អ្នកទាំងពីរនឹងត្រូវឡើងសង្វៀនអាស៊ីអាគ្នេយ៍ថ្ងៃអាទិត្យ ទី១៧ វេលាម៉ោង ១រសៀលតទៅ។ តោះ! ចាំតាមដានមើលថាតើកីឡាកររូបណាជាអ្នកខ្លាំងពិតប្រាកដនៅចុងសប្ដាហ៍នេះ៕