ទីបំផុត កំពូលអ្នកលេងសៀកគេខ្លាចគ្រប់គ្នា ក្លាយជាជើងឯក Asia's Got Talent (វីដេអូ)

2017-12-15 04:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

អស់រយៈពេលជាច្រើនខែដែលកម្មវិធី Asia's Got Talent បានដំណើរការ និងស្វែងរកជើងខ្លាំងប្រចាំកម្មវិធីនៅរដូវកាលទី ២។ បេក្ខជន-បេក្ខនារីជាច្រើនបានចូលរួមបង្ហាញទេពកោសល្យអស្ចារ្យ ពីមួយវគ្គទៅមួយវគ្គ និងបានឆ្លងកាត់ឧបសគ្គជាច្រើន។

យ៉ាងណាមិញ កាលពីយប់ថ្ងៃទី ១៤ ខែធ្នូ កម្មវិធីប្រកួតប្រជែងសមត្ថភាពនេះ បានរកឃើញម្ចាស់ជយលាភីហើយប្រចាំរដូវកាលថ្មីហើយ។ ជើងខ្លាំងរូបនោះ គឺកំពូលអ្នកថ្ពិនភ្នែកពោរពេញដោយទេពកោសល្យជនជាតិឥណ្ឌូណេស៊ី The Sacred Riana។

តាមរយៈសមត្ថភាពអស្ចារ្យ និងការសម្ដែងសៀកគួរឲ្យខ្លាចរបស់នាង បានយកឈ្នះបេក្ខភាពផ្សេងទៀត ដែលមកពីជុំវិញទ្វីបអាស៊ី សម្រាប់វគ្គផ្ដាច់ព្រ័ត្រនេះ ដោយបានត្រឡប់មកផ្ទះវិញនូវរង្វាន់ជយលាភី ទឹកប្រាក់ ១០០ ០០០ដុល្លារអាមេរិក។

ជាក់ស្ដែងសម្រាប់ លទ្ធផលជ័យជំនះគឺផ្អែកលើ ចំនួនបោះឆ្នោតជាសាធារណៈ។ នេះសបញ្ជាក់ថា ស្រីស្អាត The Sacred Riana បានទាក់ទាញចំណាប់អារម្មណ៍មហាជនជាច្រើន គាំទ្រ និងពេញចិត្តការសម្ដែងបែបបន្លាចៗ របស់នាងជាខ្លាំង។

ដោយឡែកចំពោះអ្នកចាត់ការរបស់នាង លោក Bow Vernon វិញក៏បាននិយាយដែរថា៖ "Riana ពិតជាសប្បាយចិត្ត និងភ្ញាក់ផ្អើលជាខ្លាំងដែលបានទទួលជោគជ័យនេះ។ នាងចូលរួមក្នុងកម្មវិធី ព្រោះគ្រាន់តែចង់បង្ហាញ ពីការសម្ដែងប្លែកៗទៅកាន់មហាជនប៉ុណ្ណោះ។ ខ្ញុំគិតថា ទាំងអស់គ្នាស្រឡាញ់នាង ព្រោះអ្នកពិតជាមិនធ្លាប់បានឃើញការសម្ដែងប្រភេទនេះពីមុនមកទេ”។

ដោយសារនាងមិននិយាយស្ដីទាំងអំឡុងពេលសម្ដែង និងពេលដឹងថាខ្លួនឈ្នះទៅហើយនោះ ក៏បង្កើតជាចម្ងល់។ ដូចនេះ អ្នកចាត់ការដដែលបានទម្លាយថា៖ "ធម្មជាតិរបស់នាង ជាមនុស្សស្ងប់ស្ងាត់ស្រាប់ ដូចនេះវាជារឿងងាយស្រួលដែល សម្ដែងដោយមិនសូវនិយាយស្ដី ព្រោះធម្មតានាងក៏មិនចេះមាត់កអ្វីដែរ”។

កន្លងមកប្រិយមិត្តច្បាស់ជាធ្លាប់បានទស្សនាការសម្ដែងរបស់ស្រីស្អាតសក់វែងរូបនេះក្នុងកម្មវិធី Asia's Got Talent តាំងពីវគ្គ Audition មក។ តាមរយៈការសម្ដែងរបស់នាងនីមួយ បានបង្កការភ្ញាក់ផ្អើលពេញឆាក និងធ្វើឲ្យអ្នកទស្សនាផ្ដោតការចាប់អារម្មណ៍គ្រប់ៗគ្នា៕

ទស្សនាការសម្ដែងវគ្គផ្ដាច់ព្រ័ត្ររបស់ Riana៖