តារាស្រីៗនៅហូលីវូដនឹងស្លៀកឈុតខ្មៅរួមគ្នាប្រឆាំងការបៀតបៀនផ្លូវភេទក្នុងកម្មវិធីធំមួយ
- 2017-12-15 09:38:25
- ចំនួនមតិ 0 | ចំនួនចែករំលែក 0
តារាស្រីៗនៅហូលីវូដនឹងស្លៀកឈុតខ្មៅរួមគ្នាប្រឆាំងការបៀតបៀនផ្លូវភេទក្នុងកម្មវិធីធំមួយ
ចន្លោះមិនឃើញ
តារាស្រីៗជាច្រើននៅហូលីវូដបានប្រកាសថា នឹងស្លៀកពាក់ឈុតខ្មៅទាំងស្រុងដើម្បីចូលរួមកម្មវិធី Golden Globes ដែលនឹងធ្វើទៅនៅខែមករាខាងមុខនេះ ដើម្បីប្រឆាំងនឹងអំពើបៀតបៀនផ្លូវភេទដែលបានកើតឡើងជាច្រើនដងនៅហូលីវូដ។ នេះបើតាមការរាយការណ៍ពីទស្សនាវដ្ដី People។
ពាក្យចចាមអារ៉ាមនេះបានលេចឡើងថា តារាស្រីៗជាច្រើនដែលរាប់បញ្ចូលទាំងពិធីការិនី និងអ្នកដែលមានឈ្មោះដណ្ដើមពាន នឹងស្លៀកពាក់ឈុតខ្មៅទាំងអស់ នៅថ្ងៃទី៧ ខែមករានេះ។
ប្រភពដដែលនោះបាននិយាយថា៖ "តារាស្រីទាំងអស់ដែលចូលរួមកម្មវិធីប្រគល់ពាន Golden Globes នឹងចូលរួមប្រឆាំងដោយស្លៀកពាក់ឈុតខ្មៅ។"
ហូលីវូដទើបតែល្បីកក្រើកចំពោះហេតុការណ៍បៀតបៀនផ្លូវភេទជាច្រើនដែលបានកើតឡើង ប៉ុន្មានខែចុងឆ្នាំនេះ ជាពិសេសរឿងទាក់ទងនឹងផលិតករ Harvey Weinstein និងតារាសម្ដែង Kevin Spacey ជាដើម។
ហេតុដូច្នេះហើយទើបតារាស្រីៗទាំងនោះ ព្រមទាំងមនុស្សស្រីជុំវិញពិភពលោកបានបង្កើតពាក្យមួយឃ្លា "#Metoo” ដើម្បីប្រកាសថាពួកគេធ្លាប់ត្រូវឆ្លងកាត់រឿងបៀតបៀនផ្លូវភេទកាលពីអតីត៕
អានអត្ថបទ៖
គួរឲ្យស្ដាយ! រឿង មុនដំបូងខ្មែរក្រហមសម្លាប់ប៉ារបស់ខ្ញុំ ជ្រុះឱកាសលើកពាន Oscar
ក្ដៅៗ តួអង្គ X-Men និង Fantastic Four ត្រឡប់មកកាន់ Marvel ជាផ្លូវការហើយ!
Francia មិនខ្លាចបង្ហាញស្នាមបន្សល់ពីការវះកាត់បរិច្ចាគក្រលៀនឲ្យ Selena សោះឡើយ