ចោរគាស់ផ្ទះគ្រូ PSG លួចយកអាវ Neymar អស់២
- 2017-12-15 08:57:50
- ចំនួនមតិ 0 | ចំនួនចែករំលែក 0
ចោរគាស់ផ្ទះគ្រូ PSG លួចយកអាវ Neymar អស់២
ចន្លោះមិនឃើញ
ផ្ទះលោក Unai Emery អ្នកចាត់ការទូទៅ Paris Saint Germainដែលស្ថិតនៅក្នុង ទីក្រុងប៉ារីសត្រូវចោរគាស់ចូលយកឥវ៉ាន់កាលពីថ្ងៃព្រហស្បតិ៍ម្សិលមិញ។
ហេតុការណ៍ខាងលើកើតឡើងខណៈពេលលោក Emery មិននៅផ្ទះព្រោះជាប់រវល់ដឹកនាំក្រុមប្រកួតពាន French League Cup វគ្គ១៦ក្រុមចុងក្រោយទល់នឹងក្រុម Strasbourg ដែលជាលទ្ធផល PSG ឈ្នះ ៤ទល់នឹង០។
ប្រពន្ធអ្នកចាត់ការវ័យ ៤៦ឆ្នាំបានឲ្យដឹងថាចោរបានលួចយកអាវ Neymar ចំនួន២, ឯកសារដោះដូរកីឡាករ, នាឡិកា Rolex, កាបូបម៉ាកល្បី Chanel ចំនួន២ និងទ្រព្យសម្បត្តិដទៃទៀតសរុបជាប្រាក់ ២ម៉ឺនអឺរ៉ូ។ សកម្មភាពក្រុមចោរត្រូវបានថតជាប់ដោយកាមេរ៉ាសុវត្ថិភាពហើយប៉ូលិសកំពុងធ្វើការស៊ើបអង្កេត៕